> Amanniat sa gana de língua sarda in s’Universidadi de Tàtari | ilMinuto

Amanniat sa gana de língua sarda in s’Universidadi de Tàtari

Ascurta custa nova

(S’úrtima nova) – Casteddu, 9 de su mesi de fiàrgiu – Funt milli e prus is firmas de is istudiantis de s’Ateneu tataresu asuba de sa petitzioni po ponni s’imparu de sa língua sarda cumentzedi giai de is iscolas po sa crialla e po formai a is professoris de sardu cun duus cursus de laurea nous: Isciéntzias de sa Formatzioni primaria in língua sarda e Língua e Literadura sarda. Su documentu pedit puru de istituiri un’esamu de “Língua sarda” in dógnia cursu de laurea. Sa petitzioni at essi imbiada intru de pagu tempus a su Retori de s’Universidadi de Tàtari, a su Presidenti de sa Regioni Sardigna, a s’Assessori regionali de sa Pública Istrutzioni e a su Consillu regionali. Aprontadoris de sa proposta funt is istudiantis de s’assótziu Su Majolu, chi ant presentau s’arragorta de is firmas cun d-una lítera oberta in sardu e in italianu mandada a totus is professoris de s’Universidadi de Tàtari.“Sa língua sarda – si ligit in sa lítera – podit e depit essi una língua capassu de espressai dógnia tipu de cuntzetu ténnicu, filosoficu e issentíficu, aici comenti ndi funt capassus totus is línguas de su mundu”. E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu. Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

3 Risposte a “Amanniat sa gana de língua sarda in s’Universidadi de Tàtari”


  • Mi praxiri mera custa petitzioni. Deu su sardu no ddu chistionu beni. M’ari praxi chi is neporeddus mius du poriant studiai in iscola, cumenti s’ateras linguas.

  • A mei parrit una cosa de importu mannu custa iniziativa de custus istudiantis. Giovuneddus ma cun su coru prenu de Sardigna, bravus, sighei aici piciocheddus, ca tenus bisongiu de genti aici!

  • S’intrada de su sardu in s’iscola est sa mama de totu sas batallas. Est inùtile però proclamare beridades si non si chircat de las pònnere in pràtica

I commenti sono chiusi.