> Candu s’Ortu imbucat in iscola. Su bandu Laore po is dominàrius didàticus | ilMinuto

Candu s’Ortu imbucat in iscola. Su bandu Laore po is dominàrius didàticus

Ascurta custa nova

(S’úrtima nova) – Casteddu, 17 de su mesi de fiàrgiu – Acostai is giòvanus a papai is ortalitzias aradas cun is métodus de sa messarítzia biologica. Est cantu bolit fai su cuncursu “Ortu bio in is iscolas”. Su progetu de s’Agentzia regionali Laore cumbidat is dominàrius didàticus a propòniri intru su 27 de su mesi de fiàrgiu unu programa educativu chi previdat su cumprimentu de un’ortu iscolàsticu cun is ténnicas de sa messarítzia biologica. Ant essi finantziaus fintzas a 60 progetus. Dógnia proposta aprovada at a arriciri un’agiudu de milla eurus. “S’ortu – pretzisat una nota de s’Urp de sa Presidéntzia de sa Regioni – at a depi essi fatu in iscola o d-unu tretu chi no siat atesu meda de s’istitutu e chi depit tenni una mannària de 30 metrus cuadrus”.Po unu númeru mannu de giòvanus is domiàrius didàticus ant essi duncas s’ocasioni po bivi sa natura e po imparai a traballai sa terra ponendi ortalitzias bellas e sanas. E bosàterus ita ndi petzasis? Sa redatzioni de IlMinuto torrat lúnis cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

4 Risposte a “Candu s’Ortu imbucat in iscola. Su bandu Laore po is dominàrius didàticus”


  • Mi praxiri mera custu progetu de s’Agentzia regionali Laore. Sa massaria porit essi su beru tempu benidori de is giovanus sardus.

  • bellu, babbu bon’anima traballada sa terra, seu cuntentu ca is giovanusu nostusu imparinti, mentrisi tziu Boiuccu, su fradi de babbu mì, teniat brabeisi,e pappiausu cosasa bellasa friscasa, non commenti a oi. Nau custu po mei podeisi chistionai de sa Reliquia de su Papa, iscuru issu, omini de coru, cun madre Teresa gei anti agiudau meda genti, chi immoi si castinti de su scelu

  • bellu forti. Oi ada benni Napolitano in Sarigna, chistionai de custu. Dapu ligiu in su bar custu mengianu.

  • penzu chi tocada a scriri de ziu Lilliu, di minecid adi fattu bolai artu sa Sardinnia

I commenti sono chiusi.