> Imparu: Monti ndi liat dinai a s’iscola sarda. Sa denúntzia de is Cobas e s’isciòpiru de su fàmini | ilMinuto

Imparu: Monti ndi liat dinai a s’iscola sarda. Sa denúntzia de is Cobas e s’isciòpiru de su fàmini

Ascurta custa nova

(S’úrtima nova) – Casteddu, 1 de su mesi de fiàrgiu – Su Guvernu Monti, cun su votu de sa dereta de tzentru e de sa manca de tzentru in Parlamento, at bófiu fai un’”arregalu” a s’iscola de sa Sardigna: is istitutzionis iscolàsticas autónomas ant essi meguadas de 254 a 201. Ant essi serradas is iscolas de unu númeru mannu de biddixeddas. Est cantu denuntziat Nicolau Giua de is Cobas, asuba de is datus de su Ministeru. Su sindacalista pretzisat perou ca funt responsàbilis de s’irminorigamentu de is istitutus puru sa Regioni, is Provìntzias e is Comunus. Narant ca no a custa destrossa puru is 150 personis chi ant aderiu a s’isciòpiru de su fàmini a stafeta “po no lassai morri de fàmini s’iscola”.Isciopiru oi lómpit a 19 diris, no papant Margaida Fois, Luxia Cocco, Monighèe Perra, Maria Grassia Ciaccio, Tanièbi Manca e Gianpàulu Cossu. Ita ndi pentzais bosàterus? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

4 Risposte a “Imparu: Monti ndi liat dinai a s’iscola sarda. Sa denúntzia de is Cobas e s’isciòpiru de su fàmini”


I commenti sono chiusi.