> Impestadura: martis sa senténtzia de s’acuntéssia Portovesme srl | ilMinuto

Impestadura: martis sa senténtzia de s’acuntéssia Portovesme srl

Ascurta custa nova


(S’úrtima nova) – Casteddu, 8 de su mesi de fiàrgiu – Ai determinau s’interramentu abusivu de deximilla metrus cubus de 15 milionis de chilus de arrefudus toscus e perigulosus de sa Portovesme srl in is tretus de Setimu, Serramanna e asuta de s’arruga de s’ispidali Businco, in Casteddu. De custu funt acusaus is responsàbilis de sa gestioni Ambienti e de sa Gestioni Arrefudus de sa Portovesme srl. Sa senténtzia, atrassada bortas medas, est prevìdia po martis chi benit, 14 de su mesi de fiàrgiu, in Casteddu. In is mantessi oras a faci de su Tribunali de pratza Repúbrica s’at a tenni unu sit in aprontau de su Comitau ”Carlofortini preoccupati”, chi cumbidat a su pópulu sardu a “no abarrai frimu a faci de custa destrossa ambientali”. S’allarmi impestadura est difatis sèmpiri prus forti: in totu sa Sardigna e po su prus in su Surcis.Fintzas a arribai a su puntu ca is babus e is mamas de is pipius fintzas a is tre annus chi bivint in Portuascusi no depint donai a papai a is próprius fillus scéti ortalitzias e fruta aradas in su territóriu – impestau de s’industria – de su comunu de su Surcis, ma depint fai atentzioni a comporai puru prodotus coltivaus in logus diversus. Ddu at determinau sa Asl 6 de Crabònia. E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

4 Risposte a “Impestadura: martis sa senténtzia de s’acuntéssia Portovesme srl”


  • arrori mannu seusu postusu beni… in dognia ti girasa du funti malisi mausu! Deu si liu nai de scriri apitzusu de sa litera chi eisi postu oi cussa de su sardu, ita naraisi si podidi fai?

  • Custu giornali chistionara sceti de noas mera mera leggias, non mi praxiri nudda nudda. M’ar aprexi mera de prus ligi noas asuba s’”Isola dei famosi”. Deu mi spassiu de aici

  • gira che te rigira tenidi arrexoni Momo, mi pigaisi a coru, esti utili su chi fadeisi perou unu pagu de allirghia no guastada :) cun amiganzia si du nau :) . Podeisi scriri de sagrasa,de carnuvalli insomma de cosasa chi s’invoglinti a girai sa terra nostra, esti un indea chi si praxidi? Tocai provai ca custu esti unu mesi de festa :)

  • a mei iada a praxi de ndi sciri de prusu de Giorgio Oppi, saciadau, anca esti arricoverau e esti gravi meda, d’esti cabau guta a is arrigusu. Podeisi scriri de custu?

I commenti sono chiusi.