> In S’Ulumedu su sport donat unu càrcini a is pregiuditzius | ilMinuto

In S’Ulumedu su sport donat unu càrcini a is pregiuditzius

Ascurta custa nova


(S’úrtima nova) – Casteddu 23 de su mesi de fiàrgiu – Su sport infundit fidútzia in is sugetus difítzilis e permitit de mellorai e svilupai abilidadi, atentzioni e concentratzioni, svilupat s’atuamentu de sei atressu de sa pigada de cuscéntzia de sa própriu màgini. Tuchendi de custa cunvintzioni, a pustis de s’esperimentu de s’annu passau, andau beni meda, est torrau a tucai domínigu 19 de su mesi de fiàrgiu in su Campu Comunali de S’Ulumedu “Unu càrcini a is …pregiuditzius”, campionau de càlciu a 5 po utentis, operadoris de is Dipartimentus de Saludi Mentali de sa Sardigna aprontau de sa Lega Càlciu Regionali Uisp. Obietivu de sa manifestada est de si podi espressai chentza de si imprènniri e diventai fiamenti protagonistas cun su sport. A pustis de S’Ulumedu, sa gara s’at a frimai in Crabònia, Casteddu, Aristanis, S’Alighera, aundi, de su 28 de su mesi de arbili a su 1 de su mesi de maju de su 2012, s’at a tenni sa manifestada natzionali “Macus po su sport 2012″, chi s’at a serrai in Lanusè.S’arretzeta bincidora est s’unioni de sport e integratzioni. Comenti si ligit in d-una nota de imprenta, difatis, “Is 90 minutus de sa partida [...] diventant po chini tenit maladias mentalis, 90 minutus de cufrontu in campu e in sa vida. Primu e agoa de sa gara, s’instaurat unu clima de festa intre is operadoris, is utentis e is famílias insoru”, unu clima “chi favoressit sa socializatzioni e s’integratzioni”. E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

2 Risposte a “In S’Ulumedu su sport donat unu càrcini a is pregiuditzius”


I commenti sono chiusi.