> No s’eus a lassai ‘alluxerrai’ de is pannellus solaris. In Arborea sa denúntzia de su Comitau “No a su Progetu Lianora” | ilMinuto

No s’eus a lassai ‘alluxerrai’ de is pannellus solaris. In Arborea sa denúntzia de su Comitau “No a su Progetu Lianora”



(S’úrtima nova) – Casteddu, 10 de su mesi de fiàrgiu – “Est possíbili chi is aministradoris nostrus s’interessint de presentai a sa genti de su logu una dita chi ponit pannellus solaris mentris sighint a evitai calisisiat chistioni aundi si fueddit de su pertusamentu de su territóriu de Arborea po circai su gas?”. Est custa sa pregunta chi su Comitau cívicu “No a su Progetu Lianora” fait, atressu de una nota, a s’aministratzioni de sa bidda in provìntzia de Aristanis. Comenti est possíbili – pedit su Comitau – ca ariseru su Comunu apat aprontau po ariseru etotu un’assembrea pública po presentai su progetu “Soli in Domu” e no apat mai amostau a is tzitadinus s’idea de sa Saras? Po su Comitau is contus no torrant. Si de una parti s’aministratzioni spingit a is tzitadinus de Arborea a impitai is pannellus solaris po amenguai s’impestadura, de s’àtera “sighit a cuai is destrossas chi Progetu Lianora podit fai a s’ambienti, sa saludi e prusatotu a s’ecunumia de bidda nostra”. Sa Saras in d-unu relatu afirmat perou ca is dannus apitzus de saludi Pública no funt significativus”. E bosàterus ita ndi petzasis? Sa redatzioni de IlMinuto torrat lúnis cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu. Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

4 Risposte a “No s’eus a lassai ‘alluxerrai’ de is pannellus solaris. In Arborea sa denúntzia de su Comitau “No a su Progetu Lianora””


I commenti sono chiusi.