> Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna | ilMinuto

Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna

Ascurta custa nova


(IlMinuto) – Casteddu, 2 de su mesi de fiàrgiu – Su sderrocu de un’aereu militari chi aterrat amantat su sonu de su bentu e su cantu de is pillonis. Est un’iscena chi s’arrapitit totus is diris de 30 annus a custa parti in sa vida de su pastori protagonista de “Everyday”, su videu chi at biu a Pedru Mele bincidori de “Senz’Appello”: su cuncursu de arti po videus de sa Galleria de Arti Moderna e Contemporanea de sa Repúbrica de San Marino. In cincu minutus de efetu mannu Mele descririt cun abilidadi manna s’ocupatzioni militari de sa Sardigna: s’Ísula aundi su stadu italianu – comenti amentat su riassuntu de s’òpera – at sceberau de ponni su 60% po centu de su demàniu militari. Su prétziu de custa ocupatzioni militari chi nisciunu at dimandau – scririt s’artista in sa presentada de s’òpera – est “una destrossa de civílis, mortus po tumoris […], comenti puru de unu númeru mannu de maladias geneticas”. Ma si puru ddoi funt stètias diversas protestas contra a is basis, is esercitatzionis militaris de sa Nato o de stadus comenti Israeli sighint. Ita ndi pensais bosàterus? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

7 Risposte a “Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna”


I commenti sono chiusi.