> Sardigna a su votu. Referendum po mudai o demagogia? | ilMinuto

Sardigna a su votu. Referendum po mudai o demagogia?


(S’úrtima nova) – Casteddu, 13 de su mesi de fiàrgiu – In beranu is sardus ant essi lamaus a votai is dexi referendum promòvius de su Movimentu referendàriu e autorizaus de s’Ofítziu regionali. Is aprontadoris de is dimandas – chi in 20 diris ant pigau pagu prus de 30milla firmas – puntant a ndi liai is Provìntzias sardas bécias e noas, a amenguai su númeru de is consilleris regionalis a 50, a fai torrai a scriri su Statutu de sa Sardigna de un’assembrea costituenti, a s’eletzioni direta de su Presidenti de sa Regioni atressu de is primarias, a ndi liai is Consillus de aministratzioni de is entis e de is agentzias de sa Regioni. A su mamentu is partitus chi funt in Consillu regionali no ant pigau nisciuna positzioni ufitziali apitzus de is referendum chi s’ant a tenni custu beranu. Faint ecetzioni is Riformadoris, grupu chi est intre de is aprontadoris de su progetu. “Imoi – at nau Massimu Fantola – teneus sa possibilidadi bera de mudai sa Sardigna”. Ma s’Ísula at a mudai irminorighendi su númeru de is consilleris regionalis e liendi is Provìntzias? O s’arresurtau chi s’at a otèniri at essi scéti su dispatzu definitivu de su Consillu regionali de is fortzas políticas chi no funt arringheradas e de s’esclusioni de is territórius prus pitius de sa política? At a mudai totu po no mudai nudda?  E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

2 Risposte a “Sardigna a su votu. Referendum po mudai o demagogia?”


I commenti sono chiusi.