> Portovesme srl: is rispàrmius chi ferrint a is sardus e sa Sardigna | ilMinuto

Portovesme srl: is rispàrmius chi ferrint a is sardus e sa Sardigna

Ascurta custa nova


(S’úrtima nova) – Casteddu, 30 de su mesi de martzu – Unu rispàrmiu bellu, su de sa Portovesme srl, chi po dissipai is fumus de atzarxeria iat a ai depiu spendi pagu prus de 400 milla eurus a su metru cubu, e chi, spendendiddus a sa cuada in su muntronaxu de Sètimu, bogàt de buxaca scéti cincu eurus. A ddu cunfirmai ainnantis de is giugis de su tribunali, presidenti Massimu Poddighe, est stétiu Marianu Natale, chi in su 2007 comandàt su Noe de is carabineris. Su costu de su trasportu – at acrarau Natale – furiat de 250-300 eurus a càrrigu. Epuru furiat prus fàtzili portai is arrefudus in su muntronaxu e ddus fai ammasturai cun àterus materialis, fadendi a manera chi is fumus de atzarxeria de s’istabilimentu s’essant tramudaus in materiali po su fundu de is istradas. Intre is imputaus de is riatus acapiaus a su manixu ddoi funt: s’aministradori únicu de sa Tecnoscavi Massimu Pistoia, is traballadoris de sa sotziedadi Istèvoni Puggioni e Giuannipaolu Puggioni e Larbi El Oualladi. A giudítziu puru su cordinadori de s’area chímicu-analìtica de sa Tecnochem Danilu Baldini e su gestori de su Gap service Lambertu Barca. Po s’acusa is fumus de atzarxeria pigaus de sa Portovesme srl iant essi finius in d-unu muntronaxu de Sètimu. Si fueddat de deximilla tonnelladas de iscórias chi faint dannu mannu a sa saludi. Agoa de sa cundenna de Aldu Zucca e Maria Vitorica Azara, su dibatimentu at a torrai a pighai su 3 de su mesi de arbili. S’agataus torra a faci de unu fantàsimu, su de is arrefudus toscus, chi impestat su territóriu sardu, ferrendiddu e ferrendi mali meda chini ddoi bivit. E bosàterus ita ndi petzasis? S’úrtima nova serrat oi. A àterus annus cun àterus progetus. Sa redatzioni de IlMinuto torrat gràtzias a totus is ligidoris chi dda ant sighia.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

0 Risposte a “Portovesme srl: is rispàrmius chi ferrint a is sardus e sa Sardigna”


I commenti sono chiusi.