> Sardigna terra de binus apretziaus? | ilMinuto

Sardigna terra de binus apretziaus?

Ascurta custa nova


(S’úrtima nova) – Casteddu, 19 de su mesi de martzu – Sa Sardigna bantat una traditzioni vitivinicola millenaria e oi puru sa viticoltura rapresentat su primu cultivu vezetali isulanu. A su mamentu si produsint binus de calidadi, contaus po is carateristicas organoleticas chi tenint. Funt binus saliosus, friscus e aromatus. Intre custus, su Vermentinu est s’única produtzioni de àxina bianca a ai tentu sa Denominatzioni de Origini Controllada Garantia. De cabori grogu pagliarinu, tenit una gradatzioni chi andat de is 10° a is 14° i est consillau po acumpangiai su pisci, prusatotu is frutus de mari, sa butàriga, is croxius, ma andat beni puru po sa petza bianca e po is antipastus. Duas is variedadis de Vermentinu produsias in s’ísula: su de Gaddura (12°-14°) e su de Sardigna (ingíriu a is 11°). Ma poita seus chistionendi de custu binu? Poita su Vermentinu, a cantu narant is datus de unu spricullitu fatu de sa SymphoyIRI Group po Vinitaly 2012, puru si est s’únicu binu sardu chi s’agatat in is classíficas de bendida de is binus in is supermercaus de sa penísula, est a su númeru 13 de sa graduatória de is bendidas italianas. Is primus postus funt ocupaus difatis de su Lambruscu, de su Sangiovese e de su Montepilciano de Abrutzu. Sa música mudat de meda in Sardigna, aundi is binus prus bendius funt su Cannonau, su Vermentinu e sa Monica de Sardigna. A custu puntu si benit de si prenguntai: chini funt is cunniscidori berus de is binus? E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

0 Risposte a “Sardigna terra de binus apretziaus?”


I commenti sono chiusi.