> Baschi e occitani in piazza per rivendicare la propria lingua nelle scuole | ilMinuto

Baschi e occitani in piazza per rivendicare la propria lingua nelle scuole

Bascos e occitans manifèstan pel drech a l’escòla en lenga pròpria

Dissabte passat ja manifestèron, e uèi protèstan tornarmai per defendre las Ikastolas e las Calandretas contra los atacs institucionals

Dissabte passat, la federacion Calandreta de Bearn e l’associacion Seaska, que fedèra las Ikastolas (escòlas immersivas en basco), manifestèron per las carrièras d’Hendaia (Bascoat) contra la menaça mai grèva qu’a viscut l’alternativa educativa en lenga autoctòna.

En se basant sus la lei Falloux, lo sosprefècte de Baiona, Patrick Dallenes, a enebit lo cònsol d’Hendaia de subvencionar lo bastiment de la nòva Ikastola. Del sieu costat, lo prefècte de Pau a adreiçat una letra al cònsol d’Artics (Bearn) en denonciant la mesa a disposicion dels locals municipals a títol graciós a la Calandreta bearnesa.

Aqueles atacs poirián far taca d’òli e far impacte en tot lo modèl immersiu de l’Estat francés en lenga non francesa.

La lei Falloux crèa una granda instabilitat entre los centres d’ensenhament en lengas minoritàrias de l’Estat francés. E mai se la lei o enebís, lo finançament de las bastissas de la majoritat de las Calandretas e de las Ikastolas s’es realizat mercés als apòrts publics. Dins aquel sens, lo president de Seaska lancèt una provocacion en disent qu’es arribat lo moment de n’acabar amb aquela situacion d’inseguretat: “Se lo sosprefècte vòl far respectar la lei, li cal solament barrar totas las Ikastolas la sason que ven”.

Articolo di Jornalet.com

Fotografia di CGT Catalunya. Fonte Flickr

© RIPRODUZIONE RISERVATA

0 Risposte a “Baschi e occitani in piazza per rivendicare la propria lingua nelle scuole”


I commenti sono chiusi.