> Chi est sballiau, curregeus | ilMinuto

Chi est sballiau, curregeus

(IlMinuto) – Casteddu, 18 de su mesi de fiàrgiu – No sceti in documentus de su ministru e de sa scola in generali, ma fintzas in medas àterus logus, apu lìgiu e intèndiu custu sintamma numinali scuminigau: “PORTATORE DI HANDICAP”. Su handicap, o disvantàgiu, est sotziali e curturali e no est po nexi de is piciochedhus chi funti in disvantàgiu, issus no dhu tenint, portant, a codhu custa dicriminatzioni. Est sa sotziedadi e sa scola ca depit smenguai su disvantàgiu. “PORTATORE DI HANDICAP” est archiolugia sotziali, curturali e didàtiga. Est prus mellus a nci dhu furriai in scientis in “SITUAZIONE DI HANDICAP” ca est prus currègiu, e si cuncordat mellus cun sa “INCLUSIONE” de totu is chi in sa scola funti agoa e tenint abbisòngiu de agiudu. Is fuedhus funti che perdas, e su cunsideru de is piciochedhus che “PORTATORE DI HANDICAP” portat a sa pulìtiga de sa “INTEGRAZIONE”, custu poita ca sa scola de custus ùrtimus annus cunsìderat is SCIENTIS IN SITUATZIONI DE HANDICAP che a unu corpus stràngiu, che allenu, po custu de “INTEGRARE”, e dhus torrai a sa scola de sa e in sa “normalidadi”. Sa scola dimugràtiga pùbriga est po s’inclusioni de chini est stètiu criau a crai a foras de sa scola, “ESCLUSIONE” custu fuedhu benit de su latinu EX + CLAUDO e bolit narri= bogai, serrai in foras, “mandare fuori e chiudere la porta”. Intamis, su fuedhu “INCLUSIONE” ca benit sèmpiri de su latinu IN + CLAUDO e bolit narri= fàiri brintai, serrai aintru, “far entrare e chiudere la porta”, bolit narri cudhu chi boleus fàiri in sa scola pùbriga: a nci dhus torrai aintru, in mesu de sa classi e de sa sotziedadi.

francudefabiisdocentisustènniuRSU“primulevi”Pitz’eSerraCuartu.

Fotografia de moris58. Pigada de Flickr

© RIPRODUZIONE RISERVATA

0 Risposte a “Chi est sballiau, curregeus”


I commenti sono chiusi.