> S’istória de Melania sarda disterrada chi torrendi agoa iat a fai sceberus diversus | ilMinuto

S’istória de Melania sarda disterrada chi torrendi agoa iat a fai sceberus diversus


(In Tempus de Crisi) – Casteddu, 16 de su mesi de martzu – Melania, sarda disterrada e cun d-una laurea in Líteras pigada in sa Facultadi de Casteddu, si contat ca torrendi agoa, mancai apat amau meda su caminu de istúdiu fatu, chi est stétiu prenu de istrobus puru, no iat torrai a fai su scéberu pigau candu furiat giovunedda, po mori de is bagas iscassas chi donat. Acabai su caminu universitàriu dd’at donau arrichesa culturali, ma de custu no at tentu unu traballu cun un’indipendéntzia económica, ni sa stabilidadi chi issa bisat e sighit a bisai. Sa picioca de Terraba, chi oi bivit in su Laziu, traballat cun is pipius in d-una Fatoria didàtica. Arrexonendi cun Melania, issa etotu, bivendi in continenti, si narat ca is problemas chi ferrint a is laureaus sardus funt is problemas de totus, e acrarat: “is arragus de unu sardu funt is mantessis de unu de latziali, de unu campanu e de àterus medas, sèmpiri chi no si tengat una bella passada de iscofa. E su chi scit de prus puru, fait fatiga a s’insertai in is cumpartus prus úmilis, e candu arrennescit arricit su prus de bias una paga de fàmini”. Is progetus de su tempus benidori de sa picoca terrabesa funt totus cuncentraus in s’acrescimentu de Svesa, sa pipia sua. E po imoi iat a bolli agatai unu traballu a mesu giornada chi siat amparau, “cosa chi oi – pretzisat – est divendenti una mantana, unu bisu”, candu imbecis – acrarat “depit essi unu diritu nostru”. In su mentris Melania sighit a istudiai cun s’isperu chi calencuna cosa mudit.

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

© RIPRODUZIONE RISERVATA

0 Risposte a “S’istória de Melania sarda disterrada chi torrendi agoa iat a fai sceberus diversus”


I commenti sono chiusi.