> Su stàini de Pauli Pirri o Terramàini | ilMinuto

Su stàini de Pauli Pirri o Terramàini

(IlMinuto) – Casteddu, 25 de su mesi de martzu – Si ghetat su bandu!
Custu mengianu, in dia de mèrcunis 20 martzu 2013, funti torraus in su stàini de Terramàini, a is làcanas de Pauli e Pirri, is mangonis.
Custus ses mangonis matucus e arrùbius funti bènnius po sa primu borta in oi de ocannu in su stàini de Terramàini. A parti unu mangoni de culori murru, ca est unu pillonedhu de no prus de tres annus, e s’est apatau in su stàini in su mesi de Paschixedha de su 2012, femus de beranu de ocannu passau chi no biemus is mangonis mannus e arrùbius.
Custu stàini in s’istadi passada s’est smenguau fintzas a abarrai a cuàturu bortas prus pitichedhu de su chi est immoi.Ses mangonis funti medas ca de prus su Stàini no ndi podit sustentai. E cun meda prexeri chi si ghetaus su bandu de sa torrada de is mangonis ca pariat no torressint prus.
Seu passau a Terramàini e apu tirau custas cantu fotugrafias, pagu bonu chi seu; ma est po pratziri su prexu chi tengu cun bosatrus, ca a trexentu metrus de domu de mei e de su bixinau de Is Cancelledhus, potzu biri custu spantu de sa nadura.
Sa dia de beranu su 21 nci ndi fenta sceti duus. Ma eriseru a de noti, sàbudu 23 martzu, nci fenta un’àtera borta ses mangonis, ma no s’eus arrennèscius a dhus fàiri sa fotugrafia, antzis no funti bessias.

francudefabiis

© RIPRODUZIONE RISERVATA

0 Risposte a “Su stàini de Pauli Pirri o Terramàini”


I commenti sono chiusi.