> S’istória de Michele: unu traballu in Sardigna imbetau ex novo | ilMinuto

S’istória de Michele: unu traballu in Sardigna imbetau ex novo


(In Tempus de crisi) – Casteddu, 4 de su mesi de arbili – Michele, classi 1974, chistionendi de su caminu de imparu fatu si contat ca agoa de s’essi dipromau in su litzeu clàssicu at sighiu a istudiai isceredi de s’iscriri in sa Facoltadi casteddaia de Isciéntzias Políticas, pighendi sa laurea a pustis de una carriera universitària unu pagu longa e po nudda simpli, ma mancai is arragus atopaus su piciocu de Casteddu agoa de seti annus pigat su títulu. Acabaus is istúdius sa punna sua furiat sa de essi parti ativa in su traballu chi s’isboddiat ingíriu de is fainas internatzionalis i europeas, chi, s’acrarat “furiant incumentzendi a s’incarrerai in cussu mamentu”. Agoa de ai trumentau unu pagu Michele oi fait su traballu suu in d-un’assótziu, una faina chi issu etotu definit “imbentada ex novo” e pretzisat “no potzu negai ca sa Facoltadi de Isciéntzias Políticas, cun su métodu “olistico”, o genéricu dipendit de chini castiat a su caminu de istúdiu, m’apat agiudau a isvilupai unu métodu flessìbili e chi imbratzat matérias medas”.Arrexonendi de Sardigna po Michele is apretus chi ferrint a is laureaus sardus funt fillus de un’incapacidadi “ingenita” chi tenit is giòvanus de ponni in comunu is risossas e de si cunfrontai cun is cullegas de àteras universidadis asuba de su chi si scit e apitzus de is conoscéntzias chi si tenint, e custu po mori puru – pretzisat – “de su càlibru bàsciu de is profesoris sardus”. Po su tempus benidori suu, in su traballu chi fait, su piciocu de Casteddu, bolit promòviri sa possibilidadi de is spostaduras interculturalis europeas comenti istrumentu de annestru complementari po is istudiantis universitàrius sardus.

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda


© RIPRODUZIONE RISERVATA

0 Risposte a “S’istória de Michele: unu traballu in Sardigna imbetau ex novo”


I commenti sono chiusi.