> Amparai sa lìngua sarda: su cursu de su Comunu de Sàrdara | ilMinuto

Amparai sa lìngua sarda: su cursu de su Comunu de Sàrdara

(IlMinuto) – Casteddu, 4 de su mesi de cabudanni – Ddoi funt tambeni unus catu de diris po pigai parti a su cursu de lìngua sarda aprontau de su Comunu de Sàrdara. Unu cursu chi nascit – si ligit in d-una nota – “gràtzias a is leis po amparai sa lìngua sarda” est anai sa lei 26/97 de sa Regioni Sardigna e de sa lei de s’Istadu italianu 482/99. Is letzionsi tenit s’iscopu – si pretzisat – de “istrantaxai su biliguismu sardu italianu in su Comunu de Sàrdara” i est po custu chi s’est apariciau unu cursu de sardu po impreaus e po sa genti de sa bidda. In su caminu de istudiu s’at a arrexonai de: Lìnguas de minoria – Istòria de sa lìngua sarda e tambeni de Fonètica e grafia – fueddai e iscriri, de Gramàtica sarda e de sa tradusidura sardu-italianu e italianu-sardu, de su Fueddàriu e sa sintassi e de is paperis, de is documentus e de sa literadura. Is iscritzionis ant a depi essi fatas in su Comunu de sa bidda de su Campidanu de Mesu fintzas a su 20 de su mesi de cabudanni de su 2013 o imbiendi un’email a s’indiritzu: alessandro.b@sabertulantiga.com

© RIPRODUZIONE RISERVATA

0 Risposte a “Amparai sa lìngua sarda: su cursu de su Comunu de Sàrdara”


I commenti sono chiusi.