> ProgReS Progetu Repùblica. Santu Rafiebi de Terranòa un’ispidali de salvai | ilMinuto

ProgReS Progetu Repùblica. Santu Rafiebi de Terranòa un’ispidali de salvai

(IlMinuto) – Casteddu, 4 de su mesi de cabudanni – Espressat apinnicu mannu ProgReS Progetu Repùblica po s’acuntéssia de s’ispidali de Terranòa. Agoa de su fallimentu de su grupu de Don Verzè funt stétias medas is propostas imprenditorialis po pigai s’istrutura, totus perou – pretzisat s’organizatzioni indipendentista – chentza de si bolli acollai su dèpidu chi ferrit a su Santu Rafiebi”. S’ùrtima proposta, bullada de ProgReS, lompit de s’emiru de su Qatar. Po is indipendentistas est pagu bellu chi a investiri in s’ipidali siat unu furesteri poita – acrarant – “eus a arriscai de s’agatai a faci de s’assurdidadi de unu sugetu privau chi fait ùtilis atressu de conventzionis fatas in Sardigna ma chi pagat is pagamentas a foras de s’ìsula” est custu “unu modellu nou de colonialismu sanitàriu chi no si praxit”. Progetu Repùblica tenit is bideas craras, depit essi sa Ras a si fai càrrigu de su problema pighendi s’istrutura e amanitzendi unu pranu regionali chi dongat certesas a su Santu Rafiebi asuba de su “accreditamento” de is postus letu e apitzus de su budget, scèti aici difatis, “at a podi ponni in su mercau su Santu Rafiebi, chentza de bendida asuta de prètziu o arregalus”. Ma cali est sa proposta de is indipendentistas? Po ProgReS s’iat a depi castiai a s’ispidali de C.O.Q de Omegna po cumetzai una sperimentatzioni de gestioni ex art. 9 bis de su Dpr 502/92. Una sotziedadi amesturada pùblica e privada chi in su mantessi tempus asegurit standars de gestioni bonus meda impedendi aici un’àtera fura a dannu de is sardus.

© RIPRODUZIONE RISERVATA

0 Risposte a “ProgReS Progetu Repùblica. Santu Rafiebi de Terranòa un’ispidali de salvai”


I commenti sono chiusi.