> Documentu: su Fronte indipendentista uniu incumentzat sa campagna eletorale | ilMinuto

Documentu: su Fronte indipendentista uniu incumentzat sa campagna eletorale

Domìnigu su 10 de onniasantu su Fronte Indipendentista Unidu at a incumentzare sa campagna eletorale sua, intervenende a pìgiu de su problema de is bonìficas de su G8 chi no ant fatu in s’Isula de Sa Maddalena. Amus a denuntziare su dinari pèrdidu de is sardos, s’ocupatzione e su disamparu de su territòriu chi at postu in òpera s’istadu italianu, essende de acòrdiu cun una classe polìtica sarda chi no est bona a difèndere is interessos de sa Natzione Sarda. In cussa ocasione amus a presentare is propostas de su programma eletorale nostru pro s’amparu e su benèssere de sa colletividade, sa sanadura de is giassos chi bolent bonificados e sa rifata pro is dannos chi nos ant portadu s’ocupatzione coloniale e sa militarizatzione de su territòriu. S’addòbiu est a is h. 11.30 de mangianu, cara a s’intrada de s’Hotel in su Portu Arsenale de Sa Maddalena.

Fronte indipendentista uniu

© RIPRODUZIONE RISERVATA

0 Risposte a “Documentu: su Fronte indipendentista uniu incumentzat sa campagna eletorale”


I commenti sono chiusi.