> In Croàtzia, un’ìsula pro si divertire che macos! | ilMinuto

In Croàtzia, un’ìsula pro si divertire che macos!

(IlMinuto) – Casteddu, su 24 de abrile – Chi ti manchet pagu pro leare su diploma o chi sias giai un’istudiante universitàriu, s’ìsula de Pag, cun prus de treghentos chilòmetros de costas, est de a beru su logu giustu pro tene! Difatis Pag est un’ìsula totu dedicada a s’ispàssiu. Ma in Pag cale est su logu chi prus de is àteros t’at a donare un’istade de gosu e allegria? Est sa tzitade de Novàlia, in ue , in s’arenile de Zrce as a agatare su Papaya club, numenadu comente logu de ispàssiu pro totu is giòvanos. Unu consìgiu pro totu is amantiosos de su mare: is plàias de Novàlia bolent bidas totu cantas.In prus custu paradisu croatu est connotu fintzas pro s’escursionismu, e custu puru dd’as a agatare acanta a su mare. Is giassos de interessu naturale sunt medas. Nois ti consigiamus su Parcu natzionale de Plitvice e is ìsulas Kornati. Ma non ddoe est custu ebbia, ca in s’ìsula de Pag bolent tastados fintzas is màndigos tìpicos.

S’ìsula difatis est numenada pro su casu suo, su paski sir, cunservadu cun ògiu de olia e chinisu.

Ite ses isetende? A pustis de un’annu in fatu a is libros su chi ti serbit est pròpiu unu biàgiu a s’ìsula de Pag! Si ddoe andas, ti dd’as a regordare pro semper!

Carta de identidade de su logu

© RIPRODUZIONE RISERVATA

0 Risposte a “In Croàtzia, un’ìsula pro si divertire che macos!”


I commenti sono chiusi.