> In Tàtari presentada de “Istòria de unu cau marinu” | ilMinuto

In Tàtari presentada de “Istòria de unu cau marinu”

(IlMinuto) – Casteddu, 2 de abrile – Sighit a ammaniare in Tàtari sas presentadas de “Limba e libros in su Museu Sanna”, s’Ufìtziu Linguìsticu de sa Limba Sarda e Catalana de su Servìtziu Limba Sarda de s’Assessoradu Regionale a s’Istrutzione Pùblica. Giòbia 3 de abrile a sas 17.30 in sa sala cunferèntzias de su Museu Natzionale “A. Sanna”, in carrera de Roma, at a èssere presentadu su libru “Istòria de unu cau marinu e de su gatu chi l’aiat imparadu a bolare”, publicadu dae Papiros e traduidu dae Diegu Corràine. “Istòria de unu cau marinu e de su gatu chi l’aiat imparadu a bolare” est sa versione in sardu de s’òpera de Luis Sepùlveda “Storia di una gabbianella e del gatto che le insegnò a volare”. Sos apuntamentos imbenientes de s’initziativa “Limba e libros in su Museu Sanna” sunt pro su 10 de abrile cun sa presentada de “Les mies mans”, libru de poesias de Antoni Canu, editziones Nemapress e giòbia s’8 de maju cun sa presentada de “S’istrumpa” cun s’autore Piero Frau.

© RIPRODUZIONE RISERVATA

0 Risposte a “In Tàtari presentada de “Istòria de unu cau marinu””


I commenti sono chiusi.