> Summer Event Corfù: una vacàntzia dedicada a s’ispàssiu chene làcanas | ilMinuto

Summer Event Corfù: una vacàntzia dedicada a s’ispàssiu chene làcanas

(IlMinuto) – Casteddu, 15 de abrile - Si narat Summer Event e est una festa manna pro is istudiantes, in ue podes partetzipare tue puru! Unu biàgiu a s’ìsula de Corfù, unu paradisu de connòschere, est una festa de colores, chi est isceti pro is giòvanos dae is 18 a is 25 annos.

Custa vacàntzia est nàschida gràtzias a su traballu comunu de is mègius assòtzios e grustos de istudiantes cun s’agentzia de operadores de biàgios VGmani.

Un’idea noa de vacàntzia, un’esperièntzia ùnica e mala a ismentigare in ue is protagonistas sunt pitzocos, istudiantes de is iscolas superiores, universitàrios e giòvanos traballadores dae is 18 a is 25 annos chi ant gana de s’ispassiare, connòschere gente noa e fàghere esperièntzias in pare cun àteros giòvanos e giòvanas che a issos.

Ais cròmpidu sa maturidade? Is esàmines universitàrios sunt acabados? Lassade is libros, tzerriade a is cumpàngios bostros de is cursos, a is amigos e a is collegas de su traballu e partide pro una vacàntzia dedicada a s’ispàssiu chene làcanas!

A Corfù s’arribat dae s’aeroportu Ioannis Kapodistrias. Dae inoghe si podet leare su postale N5 o N6 pro lòmpere a sa tzitade: s’ìsula tenet unu servìtziu de postale bonu in totu su territòriu.

Su tzentru de sa tzitade de Corfù est ricu de butegas e ristorantes. Sa pratza tzentrale, Spiniada, est a curtzu de pratza Epano, in cara de su casteddu betzu. Pro arribare podides leare su postale nùmeru 7, chi faghet su giru de totu sa tzitade betza. Su consìgiu nostru est de bière: su Museu Archeològicu, su Palatzu “St. Michael & George”, su “Douglas Monument”, s’istàtua de Schulenburg, totus a curtzu s’unu cun s’àteru.

In s’ìsula bos ant a propònnere unu programma chi podides sighire o, si bolides, podides seberare de organizare comente bos paret mègius su tempus bostru. Pro pòdere leare gustu in sa mègius manera in sa vacàntzia bostra, unu grustu de guidas, animadores e DJ àbiles, at a èssere a disponimentu pro bos fàghere connòschere is plajas prus galanas a de die e is mègius locales a de note.

De bìere, a est de s’ìsula, sa plaja de Dassia, in ue s’arribat semper cun su postale nùmeru7 chi partit dae pratza Santu Rocco (Platia Saròko). Dae custa pratza partint is postales chi lompent in ogni logu de s’ìsula e sunt de colore biaitu. Bos cussigiamus de visitare puru sa plaja de Mirtiotissa, a ovest de s’ìsula (pro arribare leare su postale birde dae su portu de sa tzitade), sa de Cavos a sud-est (cun su postale KTEL dae Platia Saròko) e sa plaja de Barbati a sud de Nisaki (pro lompere leare su postale birde dae Avramìou).

A de note cumentzat s’ispàssiu in locales galanos, bos cussigiamus is locales de Paleokastritsa, Sidari, Benitses, Dassia, Ipsos, Acharavi.

E sa coghina de Corfù? Bona meda! Bos cussigiamus is licàntzias de su logu. Sunt de tastare: su tzatziki, sa pastitsada, su sofrito e su bourdeto. E de bufare? De bufare bos cussigiamus s’ouzo, sa tsitsibirra e su Koum Quat.

Tando, ite seis isetende a organizare su biàgiu bostru de ispàssiu a Corfù?

Immàgine de Mediachaos (Flickr)

Carta de identidade de su logu


© RIPRODUZIONE RISERVATA

0 Risposte a “Summer Event Corfù: una vacàntzia dedicada a s’ispàssiu chene làcanas”


I commenti sono chiusi.