> In sas Baleares, s’ispàssiu de sa bida noturna | ilMinuto

In sas Baleares, s’ispàssiu de sa bida noturna

(IlMinuto) – Casteddu, su 19 de làmpadas – As bisòngiu de ti pasare dae totu e dae totus? Ses chirchende s’ispàssiu? Tando non podes non leare in cunsideru una vacàntzia in Palma de Maiorca, una de sas ìsulas Baleares, capitale e reina de s’ispàssiu a de note in pare a s’ìsula sorre Ibiza.

Unu paradisu de connòschere, unu biàgiu ispantosu. Difatis, Palma de Maiorca paret su logu giustu, pròpiu si ses progetende una vacàntzia pro custu istiu dedicada a su mare e a s’allegria prus manna, custu est de seguru su sèberu giustu pro tene.

Sos logos prus de importu de sa bida noturna de s’ìsula sunt sa tzitade de Palma e Magaluf, chi mancari siant duas tzitades a curtzu meda, sunt duas realidades a s’imbesse s’una dae s’àtera. S’ispàssiu comintzat giai a bortaedie, cando in sa plaja s’ant a acurtziare sos P.R. de ogni natzionalidade, pro ti fàghere connòschere sas festas chi faghent in sos locales a de note.

In Palma sa bida noturna est mescamente in sa bia de su mare, chi est prena de locales tìpicos e originales.

Su cuartieri de Santa Catalina est su logu prus de moda de Palma de Maiorca, in ue in sos ùrtimos annos ant abertu diversos locales e diversos ristorantes, in ue mandigare in antis de cumentzare su sero in sos pubs chi s’agatant. Bos cussigiamus sena de duda su bar Cuba, in Calle San Magín: inoghe s’ispàssiu est de domo!

Un’àtera zona interessante de visitare a merie est sa Lonja. Custu cuartieri mesturat ristorantes maiorchinos tìpicos cun sa “movida”, cocktail-bar e pubs cun sa mùsica. S’ambiente est trancuillone e sos locales abarrant abertos fintzas a sas duas.

Pro sos prus ispibillos su logu giustu est sa marina, logu prenu de pubs in ue si ballat sa salsa, comente su Made in Brasilo de discotecas, comente Tito’s e Abraxas.

Pro abarrare semper agiornados a pitzu de sos cuntzertos e de sos diversos eventos bos cussigiamus de consultare su “Youthing”unu volantinu gratùitu chi s’agatat in sos bar e in sas butegas de discos.

Pagos chilòmetros a largu dae sa capitale de s’ìsula b’est Magaluf: si fiat istada intre unu contu pro pitzinnos custa tzitade fiat istada sa sorre mala de Palma, ca a giru in sas carreras de Magaluf a de note si podet bìdere de totu e s’ispàssiu est asseguradu chene bisòngiu de gastare mesu francu.

Difatis in cue, a s’imbesse de sa tzitade de Palma, s’ispàssiu est fintzas in foras, in sas carreras, duncas lu podes atzapare andende a giru comente t’agradat de prus!

Magaluf tenet una movida ispantosa. In sa tzitade s’agatant clubs famosos in totu Europa.

Sa zona de sos locales benit lamada “the strip” e s’agatat in Carrer Punta Balena, prena de lughes a su neon. Inoghe sos bar sunt una chimbantina e sos nightclub bator. A sa fine de sa carrera s’aberit sa pratzita BCM, un’àteru logu cun unu muntone de locales de non pèrdere.

Sa discoteca prus famosa in Magaluf? De seguru su BCM Planet Dance.

Unu de sos clubs istòricos de sa tzitade est su Boomerang, in ue si faghet mùsica funky e mùsica housema R’n'B, hip hop e elettronica puru. Boomerang, impare a àteros bator clubs de su tzentru (Bananas, Car Wash, Honeys, Tokio Joe’s e Icon) est parte de su tzircùitu MCP (Magaluf Club Pass). Custu tzircùitu donat sa possibilidade de intrare in sos chimbe locales comporende unu billete isceti chi balet pro totus sos clubs.

Ite ses isetende? Prenota deretu su biàgiu tuo de ispàssiu!

Carta de identidade de su logu

© RIPRODUZIONE RISERVATA

0 Risposte a “In sas Baleares, s’ispàssiu de sa bida noturna”


I commenti sono chiusi.