> Sighi Singin’ « ilMinuto – notizie Mediterranee – edizione Sardegna

Sighi Singin’

(IlMinuto) – Casteddu, 13 de su mesi de ladàminis – Sighendi sa Lei Arregionali n° 3 de su 2009, artìgulu n° 9, coma 10, lìtera B, de s’annualidadi 2013. Custa Lei arrèsada aici:”Sperimentatzioni in is scolas de dònnia òrdini e gradu, de s’imparamentu e imperu, che mèdiu, de sa lìngua sarda in oràriu curriculàriu”.
A pustis chi su Cunlègiu de is Docentis iat aprovau su progetu, a primìtziu de su pentamesi de s’annu scolàstigu 2013/14, in su mesi de Friaxu 2014, eus cumentzau su cursu de Lìngua sarda a scola, ma custa borta fatu no prus a su meria a pustis de is letzionis arregularis, ma in s’interis de is oras de is letzionis de Itallianu.

Faendi is matessis argumentus de sa matèria ufitziali. Chentza de aciùngiri nudha in prus a carrigu de is scientis.

Eus cumentzau a lìgiri in classi s’arrumanzu de Venutu Lobina “Po cantu Bidhanoa” imperendi is ainas de sa “Narratologia”, ma custa borta in lìngua sarda. Po smenguai su graiori de is letzionis, dhas eus allebiadas cun duus laboradròrgius: cun s’unu castiendi su film “S’Arbitru” de Pàulu Zuca, girau in Sardìnnia cun medas atoris sardus e medas arrogus fuedhaus in sardu; s’àteru ascurtendi su Cd de Rossella Faa “Sighi Singin”.

Po fàiri sighiri mellus is cantzonis a is scientis eus torrau su sardu unu pagu arregularizau e prus meridionalizau in sa pronùncia, ma sceti po èssiri cumprèndiu mellus de is scientis de sa Primu M de su Cumerciali “Primu Levi” de Pitz’e Serra in Cuartu. E no po brintai a scuncodrai trabballus de àteras personis.

A cadeunu de is scientis, po sighiri mellus is letzionis, eus donaus is fuedhus de is cantzonis in is fotugòpias chi emus cuncodraus po issus.

Su cursu est stètiu de 22 oras in totu, duas a sa cida, in su tempus de tres mesis.

francudefabiis “Tutor” de custu progetu in Lìngua sarda

* Custas fotugòpias dhas podeis lìgiri e si dhas poneus po bosatrus innoi asuta.

Sighi Singin’

© RIPRODUZIONE RISERVATA

0 Risposte a “Sighi Singin’”


I commenti sono chiusi.