> gennaio « 2020 « ilMinuto – notizie Mediterranee – edizione Sardegna

Archivio di gennaio 2020

#Mandigos unu progetu po avolarai sa cosa de papai sarda

31 gennàrgiu 2020 – Cun sa punna de fai connosci, de fai tastai e de avalorai is prodotus de primori de s’ìsula de Sardigna, su 28 de su mesi de gennàrgiu passau est incumentzau su programma #Mandigos, unu caminu de educatzioni asuba de sa cosa de papai.
#Mandigos est finantziau de sa Ras e fatu de Laore Sardigna cun sa partetzipatzioni de s’Ufìtziu Iscolasticu Regionali, cun is Cunsòrtzius regionalis de amparu DOP e IGP e cun is Assòtzius de Categoria.

Su progetu s’isboddiat in cuatru atzionis: butega sensoriali, atastus po istudiantis de is iscolas mèdias e superioris, imbisitas in is fatorias didàticas cun is pipius de s’iscola elemetari, cuncursu de coxina po operadoris e gestoris de is servìtzius chi si dedicant a sa cosa de papai. Continua a leggere ‘#Mandigos unu progetu po avolarai sa cosa de papai sarda’

Birras de s’àteru mundu: 4Mori, sas bèvidas chi faeddant de Sardigna

* Dae sa terra a sa butìllia * – 30 ghennàrgiu 2020 – Un’atzienda ecu-sustenìbile chi abbàidat a su benidore cun unu progetu chi respetat e avalorat su territòriu. Semus faeddende de su birrifìtziu 4Mori, chi at sa sede sua in sas minieras de Monti Bèciu, in intro de su Parcu Geominerario de sa Sardigna. Pro sa pretzisione l’agatamos in s’istrutura de s’ex-tzentrale elètrica. Difatis, su de 4Mori est un’esèmpiu bellu de recunversione industriali de un’edifìtziu de su 1909.

Su birrifitziu naschet dae unu bisu simple, est a nàrrere produire birra màstrina de calidade. Gasi est diventada realidade s’idea de sos duos amigos Pàulu Lai e Antoni Zanda: sa de mudare sa curiosidade e s’amore issoro pro s’istòria de sa produtzione de birra màstrina in unu produtu chi faeddat de su territòriu de su Campidanu de Mesu.

Oe su birrifìtziu at puru àteros duos sòtzios: su mastru birràiu Mathias Müller e su mastru birràiu e maldatore Fabio Serra. Continua a leggere ‘Birras de s’àteru mundu: 4Mori, sas bèvidas chi faeddant de Sardigna’

Su lati Arborea est sanu: arreconoscimentu po sa calidadi

30 gennàrgiu 2020 – Su Dipartimentu de Potacaria de s’Universidadi Federico II de Napoli impari cun su de s’Universidadi de Valencia ant fatu unu istùdiu asuba de sa calidadi de 21 marcas de lati. Sa circa est stètia publicada de su “Journal of Dairy Science”. Continua a leggere ‘Su lati Arborea est sanu: arreconoscimentu po sa calidadi’

In sa Cineteca Sarda Lùnadigas unu film chi fueddat de fèminas

29 gennàrgiu 2020 – Cenàbara 31 de su mesi de gennàrgiu at essi presentau in sa Cineteca Sarda de sa Società Umanitaria su film Lunàdigas, unu traballu de Nicoletta Nesler e Marilisa Piga asuba de is fèminas chi no ant tentu fillus. Lùnadigas, difatis, in sardu est su fueddu chi inditat in brebeis chi no impringiant. Continua a leggere ‘In sa Cineteca Sarda Lùnadigas unu film chi fueddat de fèminas’

Una bèvida de non pèrdere: sa birra crua de Dan

* Dae sa terra a sa butìllia * – 28 ghennàrgiu 2020 – Est unu laboratòriu pro sa produtzione de birra crua, su nùmene suo est Dan e l’agatamus in Crabònia.
Sa de su birrifìtziu Dan est una produtzione chi naschet dae sa passione e dae s’impignu de sos mastros birràios suos. Custa aventura però est incumentzada in domo, cun unu kit pro fàghere sa birra, posca est arribada sa produtzione mastrina.

Sas birras de custu birrifìtziu sunt produidas a manera mastrina e impitende petzi ingredientes de primore. Sas de Dan non sunt birras coladas e mancu pastorizadas, pro custu mantenent nuscos sentzillos e sabores chi megiorant dae die in die faghende de onni birra unu produtu biu.

Sa produtzione Dan s’ispirat massimamente a s’istile de sas birras tedescas. Sunt chimbe sos tipos de birra propostos: Argyrò, Korra, Trigurìa, Sàdeunu e Groga. Continua a leggere ‘Una bèvida de non pèrdere: sa birra crua de Dan’