> “Mara Damiani Design & Grafica – Conoscersi Progettare Condividere: sa mustra a incuru de Ivana Salis « ilMinuto – notizie Mediterranee – edizione Sardegna

“Mara Damiani Design & Grafica – Conoscersi Progettare Condividere: sa mustra a incuru de Ivana Salis

Casteddu 14 gennàrgiu 2020 – At essi presentada de “Spazio e Movimento” sa mustra a incuru de Ivana Salis “Mara Damiani Design & Grafica – Conoscersi Progettare Condividere “.
Damiani est sa grafic designer chi ispertat cun determinu, galania e fortza s’istòria po immàginis de sa Sardigna. A pustis de ai istudiau a s’Acadèmia de Brera, Mara Damiani at collaborau cun s’Expo, su Milan Calcio, saNestlè, sa Bormioli, sa Clementoni, cun The Walt Disney Company, Leolandia e Cartorama puru, in fines in su 2013 est torrada in Sardigna.  Oi s’artista bivit in Casteddu.De candu est torrada in s’ìsula sa grafic designer at presentau su progetu editoriale “Carrasecare design” e su progetu  “Appartenenza”.  Po mèdiu de s’istùdiu de s’istòria antiga, moderna e contemporànea, de s’artesanau, de su paesàgiu de is traditzione acapiadas a s’arti de sa cota e de s’ofelleria, progetat formas chi fueddant de Sardigna.

In prus de is Reinas, fèminas biastias a festa, ant essi in mostra creatzionis in tessinzu e in àterus materialis puru. In mustra s’ant a agatai puru is ricamus istudiaus po Filatex, is làntzias “Pabassinas” fatas po Kernos Ceramiche e is “Pirikitte” po AV Metal.

S’inauguratzioni de “Mara Damiani Design & Grafica – Conoscersi Progettare Condividere” est po su 17 gennàrgiu 2020 a is 18.30 in is aposentus de su “Spazio e Movimento”,  carrera Napoli 80 in Casteddu.

Sa mostra at abarrai oberta fintzas a su 1 de fiàrgiu sa giòbia, sa cenàbara e su sàbudu de is 18.30 a is 20.30. Po pigai apuntamentu tocat a tzerriai a su nùmeru: 3471434736

© RIPRODUZIONE RISERVATA

0 Risposte a ““Mara Damiani Design & Grafica – Conoscersi Progettare Condividere: sa mustra a incuru de Ivana Salis”


I commenti sono chiusi.