> 11 « febbraio « 2020 « ilMinuto – notizie Mediterranee – edizione Sardegna

Archivio del giorno 11/02/2020

In sa “Cantina Arvisionadu” pro iscobèrrere nuscos e sabores de Gotzèanu

* Dae sa terra a sa butìllia * – Sa “Cantina Arvisionadu” at leadu su nùmene suo dae una ratza de bide autòctona sarda millenària. Arvisionadu est una casta antiga de bide a àghina bianca chi est coltivada in su territòriu de Benetutti, sa bidda costerina in ue su clima e sos terrinos nde favoressent sa crèschida.

Su mere de custa cantina est Pinu Mulas, chi tenet sas bìngias suas a curtzu de sa Domu de Jana de Luzzana, unu repertu archeològicu chi est antigu a su mancu ses mìgia annos e est de importu mannu pro sos istùdios subra de sa Sardigna antiga.

S’azienda de Pinu Mulas est nàschida cun sa punna de avalorare s’àghina Arvisionadu, unu frutu chi costoit sos nuscos e sos sabores de sa Costera. Difatis, su territòriu de custa regione de Sardigna est su prus a tesu dae su mare e puru pro custu motivu sos frutos de sa terra, comente sos binos, ant caraterìsticas dislindadas.

Sighende s’obietivu de torrare a avalorare custa bide autòctona, a su costàgiu de Mulas traballant àteros professionistas medas: enòlogos e espertos de iscièntzia agronòmica. Continua a leggere ‘In sa “Cantina Arvisionadu” pro iscobèrrere nuscos e sabores de Gotzèanu’

Ollu de olia de calidadi: tucat su “Premio Montiferru”

11 fiàrgiu 2020 – Est tucau su cuncursu de su “Premio Montiferru” dedicau a is ollus de olia de calidade bella meda.
A su cuncursu, chi si sboddiat dògnia annu in Sèneghe e chi ocannu est arribau a sa de bintiseti editzionis, ant a podi pigai parti totus is ollus fatus in Itàlia, e, in nd’una setzioni diversa, is ollus chi benint de àterus istadus puru. Sa data ùrtima po mandai sa dimanda est fissada po su 21 de su mesi de fiàrgiu 2020. Continua a leggere ‘Ollu de olia de calidadi: tucat su “Premio Montiferru”’