> Iscola: is “Cobas Sardegna” proclamant un’isciòperu professoris e traballadoris Ata « ilMinuto – notizie Mediterranee – edizione Sardegna

Iscola: is “Cobas Sardegna” proclamant un’isciòperu professoris e traballadoris Ata

12 fiàrgiu 2020 – Est proclamau po cenàbara 14 de su mesi de fiàrgiu s’isciòperu de s’iscola bofiu de is “Cobas Sardegna” po protestai contra a su “Decreto ammazzaprecari” e a is protzeduras previdias po is cuncursus po diventai professoris, chi arriscant de amanniai su nùmeru de is disterraus. Is Cobas narant ca nono puru a su dinai donau a is iscolas privadas e a progetus comenti su de Iscol@, chi non giuant a sa didàtica. Po is Cobas Sardegna su dinai depit essi donau a is iscolas po avalorai sa lìngua e sa cultura sarda, po is trasportus, is mensas e po s’edilìtzia iscolastica. Su sindacau est contra a is smenguamentus determinaus de sa Regioni chi ocasionant sa mèngua de is istitutus iscolasticus.

Non solu: si protestat puru po is santzionis chi ant fertu a su maistru Andria Scano, faltosu de ai protestau contra a s’impitu foras de contu chi si fait de su registru eletrònicu.

Po sa diri de isciòperu funt previdias manifestadas a faci de is “USR Sardegna”, est a nai in pratza Galilei in Casteddu e in cursu Angioy in Tàtari. S’isciòperu at a cumentzai a is 10 de mangianu.

Fotografia pigada de Flickr, autori Irene Perino

© RIPRODUZIONE RISERVATA

0 Risposte a “Iscola: is “Cobas Sardegna” proclamant un’isciòperu professoris e traballadoris Ata”


I commenti sono chiusi.