> Siddùra: binos tìpicos de su logu chi basant a s’anima e a sos sensos « ilMinuto – notizie Mediterranee – edizione Sardegna

Siddùra: binos tìpicos de su logu chi basant a s’anima e a sos sensos

* Dae sa terra a sa butìllia * – Assetiada dae curtzu a su bidditzolu incantosu de Logusantu, Siddùra rennoat sa traditzioni de sa coltivatzione de sa bide tìpica de sa Gaddura, unu territòriu in ue s’antiga cultura de su binu at raighinas mannas. Est in custu cugione de Sardigna chi naschet una cantina istraordinària.

Fiat s’annu 2008 cando s’amistade de duos imprendidores, Màssimu Ruggero e Nathan Gottesdiene, est mudada in una faina chi at avalorau s’amori issoro pro sa bide, sa bìngia e su binu.

Siddùra est diventada realidade cando Màssimu e Nathan ant comporadu una propriedade abbandonada e l’ant fata divenire una cantina de primore, chi chircat totora sa calidade, sa perfetzione e s’armonia pro onni eticheta produida.

Cun sa punna de propònnere feti binos chi sunt espressione de sa Sardigna, sos meres de Siddùra traballant una  terra fata de unu misturu de granitu, arena e lugiana. Su cambiamentu bonu de sas temperaduras, su bentu e sa positura de sos cùcuros bardant e avalorant sas caraterìsticas tìpicas de sas àghinas. Siddùra est atenta a sa sustenibilidade de sa produtzione: in bìngia sos tratamentos sunt limitados e pretzisos e traballos meda sunt fatos a manu; in prus, pro limitare s’isfaghamentu de su terrinu e pro nde megiorare s’istrutura, intre sos giuales benet fatu s’inerbimentu.

Sos sarmentos traballados sunt: Cannonau, Cagnulari, Cabernet Sauvignon e Sangiovese.

Cussa de Siddùra est una cantina fata suta de terra, in ue su mùstiu si ponet in cubone pro su buddimentu e in bartzas de tzimentu, carradas de chercu frantzesu e in brocas pro s’imbetzamentu.

Su ligòngiu cantina-territòriu est unu ligòngiu importante, chi si bidet puru dae s’atentzione manna chi donat a sos nùmene de sos binos. Su Vermentinu de Gaddura si cramat Spera e su nùmene est in lìngua gaddueresa, mentras su Vermentinu Superiore de Gaddura si cramat Maìa e su Cannonau Fola.

Totus sos binos de Siddùra sunt bèvidas elegantes e de sabore, fatas mescamente cun unu tipu de àghina. Un’eticheta feti naschet de unu blend de àghina Sangiovese e de Cabernet.

Onni binu Siddùra est unu mundu fora dae s’immaginatzione, unu mundu ispensadu, chi at conchistadu puru logos foras dae sa Sardigna e dae s’Itàlia.

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

© RIPRODUZIONE RISERVATA

0 Risposte a “Siddùra: binos tìpicos de su logu chi basant a s’anima e a sos sensos”


  • Nessun commento

Lascia una risposta