> ilMinuto – notizie Mediterranee – edizione Sardegna

Archivio dell'argomento ''

In Casteddu sa presentada de “Il giro del mondo in 80 cani”

19 fiàrgiu 2020 – At essi presentau cenàbara 21 de su mesi de fiàrgiu a is ses de merì, in s’àula de su consillu de su Comunu de Casteddu, su lìburu de Alfonso Montefusco “Il giro del mondo in 80 cani”.
S’atopu, cun s’autori presenti, est aprontau de Frantzisca Trois cun s’amparu de su Comunu de Casteddu, de s’”Ordine dei Veterinari” de Casteddu e de su “Gruppo Cinofilo Cagliaritano“.

Sa presentada de su lìburu cumpletat is manifestadas internatzionalis de canis chi s’ant a sboddiai in sa Fiera de Casteddu su 22 e su 23 de su mantessi mesi. Continua a leggere ‘In Casteddu sa presentada de “Il giro del mondo in 80 cani”’

“Un filo per Maria”: atopu in amentu a Maria Lai

5 fiàrgiu 2020 – “Un filo per Maria – alla ricerca della forma assoluta“, domìniga 9 de su mesi de fiàrgiu Casteddu amentat a Maria Lai cun nd’unu atopu in sa butega de librus de arruga Sulis.
In su nùmeru cìvicu 41, a cumentzai de is 10 de mangianu, agoa de is saludus de Maria Sofia Pisu ant a fueddai Annamaria Cabras, Francesco Casu, Giuseppina Cuccu, Giulio Lai, Gaetano Laxi, Gianpiero Orrù e Marilisa Piga. At a cordinai is traballus Maria Dolores Piga. Continua a leggere ‘“Un filo per Maria”: atopu in amentu a Maria Lai’

Lìburus: “Che non ci sono poteri buoni. Il pensiero (anche) anarchico di Fabrizio De Andrè”

24 gennàrgiu 2020 – Sighint in atòbius de literadura in su Teatru Massimu de Casteddu. Martis 28 de gennàrgiu, a is ses e mesu de merì Paolo Finzi at a presentai su lìburu “Che non ci sono poteri buoni. Il pensiero (anche) anarchico di Fabrizio De Andrè”. Continua a leggere ‘Lìburus: “Che non ci sono poteri buoni. Il pensiero (anche) anarchico di Fabrizio De Andrè”’

In Orane sa presentada de su romanzu “Il campo degli asfodeli”

23 gennàrgiu 2020 – Cenàbara 24 de su mesi de gennàrgiu, a is ses de merì, in s’Exmà de Orane at essi presentau su lìburu nou de Franco Mannoni intitulau “Il campo degli asfodeli”, pubblicau de s’editori Arkadia de Casteddu.

Su romanzu, ambientau in sa citadì de Nùgoro, contat is destrossas e is cambiamentus de sa sociedadi sarda de is annus ‘60, ‘70 e ‘80. Continua a leggere ‘In Orane sa presentada de su romanzu “Il campo degli asfodeli”’

“Topologie postcoloniali: innovazione e modernizzazione in Sardegna”. Unu lìbburu de A. Mongili

(IlMinuto) – Casteddu, 1 de su mesi de ladàminis – Su 3 de Austu fia passendi in Pratza Zampillo in Biddacidru, po andai in libreria, candu apu biu una meca de cadiras, càscias altoparlantis e unu bangu cun líbburus. Apu domandau a genti chi fiat ingunis cali acontéssiu nci fiat e m’ant arraspustu: “sa presentada de líbburu Topologie Postcoloniali de Alessandro Mongili organizada de “Assemblea Permanente”, m’est partu interessanti e mi seu stentada a ascurtai. Beh! Morali de su contu in libreria non nci seu lómpia ma apu passau unu merí praxili e de profetu. Apu lígiu su líbburu e m’est bénnia s’idea de furriai in sardu calincuna pàgina.

Su líbburu de Alessandro Mongili partit de unus cantus casus de innovatzioni in unu logu cunsiderau“arretrau” che sa Sardigna e analizendiddus sighendi is Istúdius Postcolonialis, ponit in luxi cumenti non sémpiri s’innovatzioni apat prodúsiu inclusioni ma a bortas esclusioni. Custu fatu at contribbuiu a apoderai un’istadu de subbalternidadi. Segundu s’autori, non balit a ispiegai is processus sa cuntrapositzioni modernidadi/costumu e nimmancu una preténdia “identidadi sarda chi a bortas est idealizada e àteras est cunsiderada s’arraíxini de dónnia mali”. Po ispiegai custus processus Prof. Mongili ispostat s’atentzioni de su chi est cunsiderau su caràtiri/naturali de is sardus, segundu sa cultura dominanti, a su problema de su domíniu e de su podériu, meda bortas de genia coloniali. Continua a leggere ‘“Topologie postcoloniali: innovazione e modernizzazione in Sardegna”. Unu lìbburu de A. Mongili’