Sighi a ligi ‘(Italiano) Scuola: in Sardegna esplode la protesta Cobas contro l’Invalsi’
(IlMinuto) – Casteddu, 10 de su mesi de maju – Martis 15 de su mesi de maju, a is 9.00, in is aposentus de su Tribunali de Casteddu s’at a oberri su protzessu a Nino Fancello, militanti de s’orgazitzioni indipendentista Sni. Fancello ant a andai a protzessu po ai pigau parti, su 25 de su mesi de ledàminis de su 2005, a unu bliz in su Poligonu de Teulada a sa sa boxi “Invasores a foras!” S’operatzioni fut aprontada de unu cumandu de Sardigna Natzione Indipedentzia chi iat ocupau su poligonu militari. Lompius atressu de mari asuba de tres gomonis is militantis de Sni proclamànt sa soberania única de is sardus in su territóriu ponendi sa bandera natzionali sarda e sa de su movimentu insoru. Sa lota de is piscadoris e su grupu de protesta no iant permitiu su sboddicamentu trancuillu de is esercitatzionis, e sa Nato etotu fut obrigada a lassai su poligonu de tiru primu du su chi pentzàt. Sighi a ligi ‘Protzessu a Nino Fancello po su bliz in su poligonu de Teulada. “S’atzioni de Sni, teniat un’obietivu pretzisu, torrai a afirmai sa soberania única de is sardus’
(IlMinuto) – Casteddu, 10 de su mesi de maju – S’at a sboddiai de su 28 a su 30 de su mesi de maju, in su Fàbricu 2 de su Parcu Tennológicu de Pula su cursu de imparu a gratis chi tenit comenti títulu “Bibliotecas digitalis: standard, protocollu e formau”, unu caminu de imparu obertu a unu númeru màssimu de 20 personis intre informaticus, bibliotecàrius e ispecialistas de s’informatzioni chi traballant in Sardigna. Sighi a ligi ‘Istrutzioni. In su Parcu Tennológicu de Pula unu cursu asuba de is bibliotecas digitalis’
(IlMinuto) – Casteddu, 10 de su mesi de maju – Lompit ocannu a sa de cuarta editzioni su cuncursu po progetus tzinematogràficus “Su Tzínema Contat su Traballu”. A ghetai su bandu funt s’Agentzia Regionali po su traballu de sa Sardigna e sa Sotziedadi Umanitària – Tzineteca Sarda e su Tzentru Serbítzius Culturalis, sa gara nascit cun s’obietivu de insutzuligai e promòviri su cumprimentu e sa difusioni de film chi contint, in totu is formas suas, su mundu de su traballu in Sardigna, incluiu su de is disterraus sardus e su de is furesteris lompius in s’ísula. S’iscopu no est scéti su de fai film apitzus de is temas de su traballu in Sardigna, ma puru su de promòviri sa cultura tzinematogràfica e is professionalidadis de su tzínema in su territóriu. Sighi a ligi ‘Concursus: lompit a sa IV editzioni “Su Tzínema Contat su Traballu”’
Social
