(S’úrtima nova) – Casteddu, 22 de su mesi de fiàrgiu – Prantu marigosu po su mundu de s’archeologia e po sa Sardigna totu. Domínigu 19, a s’edadi de 98 annus, si nd’ est andau difatis su professori Giuanni Lilliu. Unu sardu impignau po sa Sardigna, archeólogu connotu in totu su mundu, Lilliu furiat cunsiderau su spertu prus mannu de sa Civilidadi nuraghina. Académicu de is “Lincei” de su 1990, Giuanni Lilliu depit sa nomena sua a s’iscoberta de su Su Nuraxi de Barùmini, sa biddixedda nuraghina chi in su 2000 est stétia declarada de s’Unesco “Patrimóniu de s’Umanidadi”. De su 1943 a su 1945 Lilliu at traballau in sa “Subrintendéntzia a is Antichidadis de sa Sardigna”, in su 1955 at donau vida, e agoa dda at dirigia puru, a s’”Iscola de Specializatzioni de Istudius Sardus” de s’Universidadi de Casteddu aundi furiat puru Professori Ordinàriu de “Antichidadis sardas”. Cun su cuncetu de “Costante Resistenziale Sarda”, Lilliu at resumu sa lota millenària fata de su pópulu sardu contra a is poténtzias colonialis chi de bia in bia ant tocau sa terra de s’ísula. “Sa Sardigna – si ligit in ‘La Costante Resistenziale Sarda’ – in dógnia tempus, at tentu unu macru istóricu istrambecu: su de essi stétia sèmpiri dominada (in d-unu certu sensu oi puru), ma de ai sèmpiri arresistiu”. Impegnau in sa difesa de is benis culturalis e ambientalis de sa Sardigna de sa speculatzioni e de su derruimentu, Lilliu est stétiu puru un’incansàbili difensori de sa língua sarda. Sighi a ligi ‘Sa morti de Giuanni Lilliu. S’archeólogu de sa Sardigna chi “arresistit”’
(IlMinuto) – Casteddu, 23 de su mesi de fiàrgiu – Mancant pagu diris po presentai sa dimanda po pigai parti a su sceberu públicu po títulus i esàminis po su cuferimentu de 2 incàrrigus de traballu professionali po operatoris de portellitu linguìsticu in língua sarda. Su portellitu at essi cundivìdiu de is comunus de Piàghe, Carzèghe. Codronzànus, Uri, Usìni. At essi s’istitutu Camillo Bellieni a fai su sceberu po is duus incàrrigus de 9 mesis. Sighi a ligi ‘Língua sarda: sceberu po operadori de portellitu linguìsticu’
Pubblicau su 23/02/2012 a is
11:28 in Sociedadi | 0 cummentus
Argumentus: saludi
(IlMinuto) – Casteddu, 23 de su mesi de fiàrgiu – “Seu stracu de totu, pedu agiudu po essi salvau de custu iferru”. Est custu s’apellu chi un’ómini de 34 annus, C.P. de Ceraxus, at imbiau a s’assótziu “Socialismo Diritti Riforme”. S’ómini, malàdiu de “schizofrenia”, s’agatat internau, po mori de unus cantu de fatus de intolleràntzia chi tempus fait ddu ant biu protagonista, in s’ispidali Psichiàtricu de Montelupo Fiorentino, a esecutzioni de unu Pregoni de su Tribunali de Castiamentu de Tàtari. ”C. P., mancai sa graesa de sa maladia e sa perigulosidadi sotziali degenerada in fatus e molestia e intolleràntzia – narat sa presidenti de SDR – no podit abarrai a Montelupo Fiorentino”. Sighi a ligi ‘De Montelupo Fiorentino s’apellu acoradu de unu piciocu sardu’
Pubblicau su 23/02/2012 a is
08:50 in Cultura | 0 cummentus
Argumentus:
(IlMinuto) – Casteddu, 23 de su mesi de fiàrgu – S’assótziu Eureka Enterprise aprontat po cenàbara 24 de su mesi de fiàrgiu a is 21.00 una scampirrada a su noti in is suterràneus de su Ghetu de is Ebreus de Casteddu chi s’intulat “Tzicus de Binu… Càlixis de Cultura”: oramai un’atopu semaneri s’iscoberta de is tretus suterràneus de sa tzitadi bianca e de is binus isulanus. Su progetu culturali previdit difatis puru s’atastu de unu tipu de binu. Sighi a ligi ‘Avenimentus: in Casteddu “Tzicus de Binu… Càlixis de Cultura”’
Pubblicau su 22/02/2012 a is
12:11 in Política | 0 cummentus
Argumentus: manifestada
(IlMinuto) – Casteddu, 22 de su mesi de fiàrgiu – Sa còmpora de is 131 bombarderis F-35, chi tenit su costu totali de 20 miliardus de eurus, tocat frimada. Su dinai depit essi impitau in su traballu, in sa sanidadi, in sa cultura e in s’imparu. Est cantu pentzant is “Verdi” europeus, chi po sàbudu chi benit 25 de su mesi de fiàrgiu ant aprontau una manifestada de protesta in Casteddu po nai ca no a sa còmpora de is F-35 determinada de su Guvernu italianu. Sighi a ligi ‘“No F-35″. Sàbudu manifestada de is “Verdi” europeus in Casteddu’
(IlMinuto) – Casteddu, 22 de su mesi de fiàrgiu – Comenti si podit avalorai su Parcu Naturali Molentargius Salinas? A sa pregunta ant arrespustu, cida passada, is Riformatoris Sardus, fadendi una fibera de propostas chi iant a depi torrai a donai cabali, cualifichendidda, a sa chi benit cunsiderada una zona úmida de balimentu internatzionali intre is prus importantis de Europa. Is innovatzioni propostas de is Riformatoris previdint su fàbricu de òperas mannas turisticas, atividadis sportivas, culturalis e produtivas. “Si rendeus contu – narat Anna Maria Busia, cordinadora tzitadina de sa fortza política de Casteddu- de cantu su parcu siat una risossa de importu mannu po sa tzitadi”. Po custu po is Riformatoris “su tzircúitu de aintru de su parcu iat a essi adatu a acasagiai garas ‘podistiche’” e ”is diversas coras de àcua iant a podi essi impitadas po sa pisca sportiva”.
Pubblicau su 22/02/2012 a is
09:39 in Cultura | 0 cummentus
Argumentus:
(IlMinuto) – Casteddu, 22 de su mesi de fiàrgiu – Est po oi a is 15.00, in is aposentus de su Clàustru de su Cramu de Aristanis, su seminàriu de Jean Guilaine “La préhistoire de Chypre”. Su seminàriu cun s’archeólogu francesu si sboddiat aintru de is fainas de s’Iscola de Ispecializatzioni “Nesiotikà”, e fait referimentu a su Cursu de sa professora Maria Grazia Melis “Metodologia della ricerca archeologica”. Sighi a ligi ‘Seminàrius: in Aristanis si fueddat de archeologia cun Jean Guilaine’
(S’úrtima nova) – Casteddu, 21 de su mesi de fiàrgiu – Milla e prus de milla traballadoris sardus depint abetai fintzas a cincu mesis po pigai is amortitzadoris sotzialis. Est cantu denuntziant in d-una nota fata connosci unus cantu diris fait Cgil, Cisl e Uil. Is pràtigas difatis – pretzisant is sindacaus – no andant a innantis cun sa prontesa giusta. S’arrasurtau est ca in is buxacas de is traballadoris fatuvatu no arribat in tempus nimancu su redditeddu intre is 400 e is 800 eurus. No est acabada innoi. Cgil, Cisl e Uil si dimandant ita fini apat fatu s’agiudu una tantum po is traballadoris chi no tenint diritu a is amortitzadoris sotzialis annuntziau de s’assessori regionali de su Traballu in su mesi de argiolas de su 2011. Sighi a ligi ‘“Amortitzadoris sotzialis in tardamentu mannu”. Sa denúntzia de is sindacaus’
(IlMinuto) – Casteddu, 21 de su mesi de fiàrgiu – S’annullamentu de is Provìntzias sardas bécias e noas , s’irminorigamentu de su númeru de is consilleris regionalis a 50, un’assembrea costituenti po torrai a scriri su Statutu de sa Sardigna, s’eletzioni direta de supresidenti de sa Regioni atressu de is primarias, sa supressioni de is Consillus de aministratzioni de is Entis e de is Agentzias de sa Regioni. Sighi a ligi ‘Referendum: sardus a su votu su 10 de su mesi de làmpadas’
(S’úrtima nova) – Casteddu, 22 de su mesi de fiàrgiu – Prantu marigosu po su mundu de s’archeologia e po sa Sardigna totu. Domínigu 19, a s’edadi de 98 annus, si nd’ est andau difatis su professori Giuanni Lilliu. Unu sardu impignau po sa Sardigna, archeólogu connotu in totu su mundu, Lilliu furiat cunsiderau su spertu prus mannu de sa Civilidadi nuraghina. Académicu de is “Lincei” de su 1990, Giuanni Lilliu depit sa nomena sua a s’iscoberta de su Su Nuraxi de Barùmini, sa biddixedda nuraghina chi in su 2000 est stétia declarada de s’Unesco “Patrimóniu de s’Umanidadi”. De su 1943 a su 1945 Lilliu at traballau in sa “Subrintendéntzia a is Antichidadis de sa Sardigna”, in su 1955 at donau vida, e agoa dda at dirigia puru, a s’”Iscola de Specializatzioni de Istudius Sardus” de s’Universidadi de Casteddu aundi furiat puru Professori Ordinàriu de “Antichidadis sardas”. Cun su cuncetu de “Costante Resistenziale Sarda”, Lilliu at resumu sa lota millenària fata de su pópulu sardu contra a is poténtzias colonialis chi de bia in bia ant tocau sa terra de s’ísula. “Sa Sardigna – si ligit in ‘La Costante Resistenziale Sarda’ – in dógnia tempus, at tentu unu macru istóricu istrambecu: su de essi stétia sèmpiri dominada (in d-unu certu sensu oi puru), ma de ai sèmpiri arresistiu”. Impegnau in sa difesa de is benis culturalis e ambientalis de sa Sardigna de sa speculatzioni e de su derruimentu, Lilliu est stétiu puru un’incansàbili difensori de sa língua sarda. Sighi a ligi ‘Sa morti de Giuanni Lilliu. S’archeólogu de sa Sardigna chi “arresistit”’
