(IlMinuto) – Casteddu, 30 de su mes”e lampadas -
Casteddu, 10.00, “Camera del lavoro”, assemblea regionali de su Commerciu de sa Filcams Cgil
Cuartu Sant’Alèni, 18:30, aula consilliari, riunioni de su Consillu comunali
Casteddu, 21.00, Anfiteatro romano, concertu de Noa
Sarròccu, 21.00, stadiu comunali, concertu de is Jethro Tull
Tàtari, 21.00, prazza Santa Caterina, Elio in concertu
Cuartu Sant’Alèni, 22.00, Marlin, concertu de is Lame a foglia d’oltremare
(IlMinuto) – Casteddu 30 de su mes”e lampadas – Su chi narat su “Patto per l’occupazione” firmau cida passada de sa Confcommercio e de is sindacaus at essi fattu conòsciri cras in Casteddu, in su saloni de sa “Camera del lavoro” in s’assembrea regionali organizzada de sa Filcams Cgil. Tra is argumentus prus importantis de s’acórdiu’ ddu est su rafforzamentu de is cuntrattus de sugundu livellu, est a nai azienda po azienda. “Bolleus evitai – narat in d’una nota sa segretaria de sa Filcams de Casteddu Simona Fanzesco – chi ddoi siant lissenziamentus senz”e torrada de parti de is impresas chi usant sa crisi comenti istrumentu po amenguai su propriu organicu”.
S’annu passau – spiegat su comunicau – sa Cgil no iat firmau un’acórdiu uguali po mori de ai postu su traballu de domìnigua sa marolla po is traballantis full time. Immoi su traballu de domìnigu de is dipendentis full time at essi, eventualmenti, istabiliu de sa cuntrattazioni aziendali.
(IlMinuto) – Casteddu, 30 de su mes”e lampadas. Sa XXIV edizioni de su premiu letterariu Giuseppe Dessì festagiat su centanàriu de sa nàscida de su scrittori sadru. Oi, diri de iscadènzia po s’ispedizioni de is traballus, funt giai 300 is operas chi ant a partecipai a su cuncursu po sa “narrativa” e sa “poesia”.
Sa seriedadi de su premiu – chi at fattu conòsciri scrittoris cumenti Marcello Fois e Massimo Carlotto – est conòscia in campu nazionali.
S’edizioni noa de su premiu, chi s’at a tenni a Biddexidru de su 16 a su 20 de su mes”e cabudanni, esti stetia presentada custu mangianu in d’una conferènzia stampa in sa sedi de s’Assessorau regionali de sa Pubblica Istruzioni e de sa Cultura.
“Cussa de su premiu Dessì – at nau s’Assessori Lucia Baire – est una vicenda culturali chi portat sa Sardigna a foras de is confinis de su territoriu de s’isola”.
(IlMinuto) . Casteddu, 30 de su mes”e lampadas – Su liburu nou de Bachisio Floris, “Nùoro Forever”, at essi presentau custu merì in Nùgoro, in s’Auditorium de sa Biblioteca Satta. At a cordinai is traballus Tonino Cugusi. Partecipant a sa presentazioni puru su giornalista Giacomo Mameli, chi at essi su reletori, e Gavino Poddighe, chi at a liggiri calincunu passu de s’opera. Est in programma puru s’esibizioni de su coru de Nùgoro de su maistu Gian Paolo Mele.
(IlMinuto) – Casteddu, 30 de su mes”e lampadas – Est arribau a 500 su numeru de is firmas de sa petizioni on line promòvia de Legambiente Sardigna contra a sa costruzioni de is centralis nuclearis in s’isola. Su documentu est indirizzau a su Presidenti de su Consillu de sa Regioni e a cussu de sa Giunta Regionali. “S’energia nucleari – si podit liggi in su documentu - no est scéti una fonti de energia prus cara de is ateras, est puru una fonti de energia chi no at ancora risolviu is pesantis chistionis chi comportat, comenti s’ismaltimentu de is ferrinas e is radiazionis de normali funzionamentu”.
(IlMinuto) – Casteddu, 30 de su mes”e lampadas – De oi si pagant is borsas de istudiu, su pagamentu benit fattu in sa sedi de su Banco di Sardegna, is borsas (de s’annu 2007/2008) funt po is istudiantis tàtaresus de is iscolas pubblicas segundarias de primu e de segundu gradu chi faint parti de familias disvantaggiadas.
(IlMinuto) – Casteddu, 30 de su mes”e lampadas – Ivano Fossati at scioberau Tàtari po sa primu data de su tour de s’istadi sadra. Custu merì a is 21 a su Teatru Verdi su cantautori genovesu at a presentai a su pubblicu “Musica moderna” (Emi Capitol, 2008). In s’album ddoi funt canzonis importantis comenti “L’amore trasparente” – giai in sa colonna sonora de “Caos calmo” de Antonello Grimaldi – e “La guerra e l’acqua”, chi castiat a unu futuru prossimu aundi is conflittus po otenniri s’acqua benint sostituius cun cussus po otenniri su petroliu.
Domìnigu sa data tatareresa esti stetia anticipada de unu concertu – chi no fait parti de su tour uffiziali – in sa Sugheretta de Tortuelie, aundi Fossati e sa band chi ddu accumpangiat ant fattu is provas po un cida.
(IlMinuto) – Casteddu, 30 de su mes”e lampadas – A una cida de su Controvertici “Cuntra su G8″ de Tàtari (6-7-8 de su mes”e argiolas, pineta de Baddi manna) is organizzazionis chi ant addiriu ant difùndiu unu documentu chi chistionat de sa militarizzazioni de Sa Madalèna. Custa est sa basi de partenza po su dibatimèntu de sa tres diris turritana.
“Sa Madalèna – si podit ligiri in su documentu – sighit sempiri a essi militarizada, cun sa presenzia in Sàntu Istèvene de duus depositus sutterraneus meda mannus de carburanti navali (no scéti, puru de armis e de munizionis) e sendu sedi de s’Ammiragliatu de sa Marina italiana”. “S’isola – sighit su documentu – po 40 annus at biu sa presenzia de sottomarinus nuclearis americanus chi ant creau effettus meda leggius po sa saludi de is abitantis (prus 177 po centu de is linfomi Hodghins) e po s’ambienti”.
(IlMinuto) – Casteddu, 30 de su mes”e lampadas
Tàtari, Bar pizzeria Moma, ultima diri de sa mostra de pintura de Rosa Porcheddu
Casteddu, 10.00, Fiera Campionaria, Conferènzia po su Pianu paesaggisticu regionali
Casteddu, 10.00, Camera de Commerciu, convegnu de su “Centro servizi imprese”
Casteddu, 10.30, Assessorau a sa “Pubblica Istruzione”, conferènzia stampa po sa presentazioni de su premiu Dessì
Casteddu, 18.00, Aula consilliari, riunioni de su Consillu comunali
Tàtari, 21.00, Teatru Verdi, concertu de Ivano Fossati
