> 2009 mes’e argiolas 01 | ilMinuto

Archíviu de sa diri 1/07/2009

Apuntamentus de cras 2 de su mes”e argiolas

(IlMinuto) – Casteddu, 1 de su mes”e argiolas -

Barràbi, festa de Santa Luxia “Santa Luxia Manna”

Tàtari, prazza Castello, mostra collettiva “Le donne dell’isola”

Casteddu, 9.00, prazza Giovanni XXIII, partenzia de su No G8 in bici

Casteddu, 21.00, Teatro Civico, concertu de Paola Turci

Sarròccu, 22.00, villa Siotto, Paolo Fresu e Uri Caine in concertu

Tàtari, 21.00, prazza Santa Caterina, concertu de Larry Carlton

Cinema: is bincidoris de su Sardinia Film Festival

(IlMinuto) – Casteddu, 1 de su mes”e argiolas – Cun prus de 600 operas provenientis de totu su mundu su Sardinia Film Festival, organizzau de su Cineclub de Tàtari, tenit una fama internazionali. Sighint is decisionis pigadas de sa Giuria, annunziadas sàbudu, sa diri de sa finali in su Quadrilatero de viale Mancini.
Po sa categoria “Cortissimo italiano” sa vittoria est tocada a “Metro Boulot Dodo” de Nicola Crivellari e Elisa Minuzzo. “Swipe” di Max Blustin esti stetiu in veci premiau in sa categoria “Cortissimo internazionale”. In su “Corto” ant ottenniu successu “Bab al Samah” de Francesco Sperandeo (italianu) e “Post!” de Matthias Bruhn e Christian Asmussen (internazionali).  Esti stetiu “Io parlo” de Marco Gianfredi su film chi at otenniu s’open italianu, cussu internazionali est toccau a su slovaccu Slobodan Maksimovic. In sa categoria “Sardigna” su premiu est andau a Antonio Sanna e Umberto Siotto cun su film “La valigia di Tidiane Cuccu”.

NoG8 in bici: cumenzat cras in Casteddu sa "carovana no global"

(IlMinuto) – Casteddu, 1 de su mes”e argiolas – At a partiri cras a is 9.00 de prazza Giovanni XXIII su “No G8 in bici”: s’iniziativa aprontada de su “Cagliari social forum” contra a sa globalizzazioni e po sa democrazia. Sa primu tappa prevìdia – cun arribbu a is 11:00 – est Deximu Putzu, aundi s’at a chistionai de is chistionis de sa massaria, partendi de su debitu chi medas aziendas tenint po mori de sa lei regionali 44 de su 1988, declarada illegìttima de s’Unioni Europea. “Bolleus passai – spiegant is organizzatoris – aintru de is territorius in bicicretta, e si bolleus firmai a fueddai cun sa genti e cun is amministrazionis: custa at essi po is ciclistas una possibilidadi de fai conoscènzia cun sa genti de su logu e de scambiai opinionis”.
De su 2 a su 7 de su mes”e argiolas sa carovana de su “No G8 in bici” at a fai diversa tappas: Deximu Putzu, Samassi, Pabillonis, Santa Justa e Nurachi.

Istruzioni: 500milla eurus a is bibliotecas po pigai liburus de s’editoria regionali

(IlMinuto) – Casteddu, 1 de su mes”e argiolas – 500milla eurus ant essi spendius de is bibliotecas de is iscolas po comporai liburus de s’editoria regionali. Custu est cantu narat una delibbera aprovada ariseru de sa Giunta regionali.
Su dinai at essi impiegau po is 113 bibliotecas de s’iscola; de custas 15 funt nascias de pagu tempus.

Concertus: jazz, duas diris cun Fresu e Caine

(IlMinuto): Casteddu, 1 de su mes”e argiolas – Dòppiu apuntamentu in terra sadra po Paolo Fresu e Uri Caine. Is duus protagonistas de su jazz contemporaneu ant a sonai custumerì in Aristanis – 22.00, prazza Eleonora – e cras a sa stessa ora in Sarròccu, in sa villa Siotto.
Su trombettista sadru e su pianista americanu torrant in s’isola a pustis de un’annu de s’ultima esibizioni. Sa coppia at pubblicau finzas a immoi duus album, Things (2006) e Think (2009), totisdus po sa Blue Note.