> Archive: mes'e argiolas 2009 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 2/07/2009

Apuntamentus de cras 3 de su mes”e argiolas

Pubblicau su 2/07/2009 a is 19:55 in Cultura | 0 cummentus
Argumentus:

(IlMinuto) – Casteddu, 2 de su mes’e argiolas -

Gavoi, primu diri de su Festival letterariu

Monteponi (Igrèsias), 9.00, sedi de s’Univesidadi de Casteddu, Gsotto – dibattimentu po chistionai de “Risorsas naturalis, crisi de s’energia e argomentus a tema”

Casteddu, 11.30, sedi de sa Cgil viale Monastir, conferènzia stampa de sa Cgil. de sa Cisl e da Uil po chistionai de su scioperu generali de su 10 de su mes”e argiolas

Serrenti, 17.00, Teatru comunali, convegnu po chistionai de su tema “Il territorio come risorsa”

Casteddu, 17.00, Aula Magna de Architettura, “D-Shape concept. La pietra tra natura e artificio”

Seddori, 18.00, prazza San Lorenzo, “I fantasmi degli storici”, contu teatrali multimediali

Casteddu, 21.00, Anfiteatru romano, concertu de Luca Jurman

Casteddu, 21.00, Puettu (mondo Ichnusa), Afterhours in concertu

Igrèsias, 21.00, primu diri de “Notteggiando”

Sèneche, 21.30, prazza pubblica, su “Mulo” in tour estivu (Cisco, ex Modena city rambles)

Crabònia, 21.30 Anfiteatru monte Sirai, concertu de Paola Turci

Cuartu Sant’Alèni, 22.00, chiostru de is Cappucinus, Jazz e Vini: concertu de is Baa-bà de Rossella Faa

Masùddas, prazza pubblica, Almamediterranea in concertu

Barì, 22.00, Sard rock café, Fabio Canu

No G8 in bici: fait sosta in Samassi, comunu denuclearizzau de su 1986

Pubblicau su 2/07/2009 a is 18:09 in Sociedadi | 0 cummentus
Argumentus: ,

(IlMinuto) – Casteddu, 2 de su mes”e argiolas – Fait sosta in Samassi su “No G8 in bici”. Custumerì a is 19.30 po is ciclistas chi cumbatint sa globalizzazioni est in programma un’assembrea cun sa popolazioni in s’aula de su Consillu de su Comunu. “Su valori de sa paxi e de s’agiudu-cambiu fait de filu conduttori in custa iniziativa”, ispiegat su síndigu de Samassi Ennio Cabiddu. “Su nostru est unu comunu denuclearizzau de su 1986″. Samassi est una bidda de 5500 animas, genti chi su prus traballat sa terra, messàjus. Genti chi po si fai sa domu usat su ladiri, difatis Samassi est connota po s’usu de su ladiri.  “Su ladiri – narat su Síndigu – est unu materiali poberu, unu materiali po totus, est unu materiali biodegradabili . Est cun custus principius chi Samassi in is annus noranta at fundau S’”Associazione nazionale terra cruda”.

Traballu: nudda paga in su mes”e lampadas po is dipendentis Arst

Pubblicau su 2/07/2009 a is 17:13 in Traballu | 0 cummentus
Argumentus: ,

(IlMinuto) – Casteddu, 2 de su mes”e argiolas – Is dipendentis de sa Arst “gestioni Fds Srl” in su mes”e làmpadas no ant arriciu su stipendiu nonostanti is promissas fatta de medas partis. Ddu narat in d’una nota su segretariu generali de sa Filt Cgil Sardigna Alessandro Bianco. A is traballantis, spiegat Bianco, “esti stetiu donau scéti su cedolinu de paga, un’arrogu de paperi, su contu in banca però est sempri sbuidu”. “Nonostanti – precisat su segratariu – is promissas de pagamentu arricias de s’azienda, de s’Assessorau regionali de is “Trasporti”, de sa Confservizi e de sa segreteria regionali de un’organizzazioni sindacali”.

Política: oposizioni, su "collegato" a sa Finanziaria regionali no donat respostas a sa crisi

Pubblicau su 2/07/2009 a is 13:28 in Política | 0 cummentus
Argumentus:

(IlMinuto) – Casteddu, 2 de su mes”e argiolas – Su “collegato” a sa lei Finanziaria regionali est una “lei omnibus chi no donat respostas a sa crisi economica”. DDu nant, cun d’una nota stampa, is grupus de s’oposizioni de su Consillu regionali de sa Sardigna. “Custu ‘collegato’ – sighit su comunicau – est una manovra chi si fait biri comenti  sa mazorànzia no bollit unu raportu cun is partis socialis”.

Festival Letteràriu de Gavoi, custumerì s’inaugurazioni

Pubblicau su 2/07/2009 a is 12:29 in Cultura | 0 cummentus
Argumentus:

(IlMinuto) – Casteddu, 2 de su mes”e argiolas – At essi inugurada custumerì s’edizioni 2009 de su Festival Letteràriu de Gavoi. A is 22.00, in su cortili de s’iscola elementari de sa bidda, at a cumenzai sa tresi diris de su festival. Si partit cun d’unu cuncertu de Pietra Mangoni e Ferruccio Spinetti. Su Festival s’at a tenniri su 3, su 4 e su 5 de su mes”e argiolas e ddoi ant essi medas apuntamentus. In Gavoi dd’ant essi medas nominis, de Gianni Vattimo a Geppi Cucciari, Paolo Flores D’Arcais e medas aterus. Su programma cumpletu s’agatat a s’indirizzu:

www.isoladellestorie.it/pieghevole.pdf.

Concertus: Sarròccu, in 3milla po is Jethro Tull

Pubblicau su 2/07/2009 a is 11:37 in Cultura | 0 cummentus
Argumentus:

(IlMinuto) – Casteddu, 2 de su mes”e argiolas – 40 annus de istoria de su rock in casi duas oras de musica. Su concertu de is Jethro Tull at fattu bàttiri su coru de is 3milla fans arribbaus ariseru merì a Sarròccu.
De “A New day yesterday” a “Serenade”, de “Thick as brick” a “Bouree”, sa band de su sonadori de flàutu e cantanti Ian Anderson at torrau a proponiri cun personalidadi is canzonis prus connotas de sa band, e puru canzonis chi a s’apparènzia podint pàrriri minoris comenti sa semiacustica “Mother Goose” o sa mediuvaleggianti “Past time with good company”. Cun su cantanti scozzesu ddoi furiat, comenti sempri, s’amigu de medas battaglias Martin Barre, bravu e precisu cun sa ghitarra. Funti stetias bellas puru is sonadas de su bassista David Goodier, e de su tastierista John O’Hara, totisdus cun sa band de su 2007. Esti stetiu meda bravu puru su batterista Doane Perry, chi est passau de is sonadas prus delicadas a una “doppia cassa” chi arregodat de acanta su metal. Esti stetia ”Locomotive Breath” una de is canzonis prus duras, a serrai su concertu. Una serada, custa, chi confirmat ca sa Sardigna, cun frequenzia escludia de su circùitu internazionali, est una bella prazza po su rock.

No G8 in bici: Funt partius oi, primu tappa Deximu Putzu

Pubblicau su 2/07/2009 a is 10:31 in Sociedadi | 0 cummentus
Argumentus: ,

(IlMinuto) – Casteddu, 2 de su mes”e argiolas – Sa “carovana no global” s’est movia oi, a pagus minutus de is 10.00. S’est movia partendi de Casteddu. S’apuntamentu fut in prazza Giovanni XIII.
Is binti ciclistas indossànt mantus “de banderas” cun sa scritta “No nucleare, no scorie”. Ant a arribbai a Deximu Putzu, primu tappa de su tour, a is 11.31. “Deximu Putzu est diventau su centru de una lota chi est incumenzada in su 2007, chi est un’infertura de locali e globali. Propriu in custas diris – si podit ligiri in d’una nota – su Comunu esti stetiu presidiau de is messàjus e de is pastoris sadrus, chi cumbattint po totus is problemas localis chi si tragant a palas. Is messàius e is pastoris difendit puru sa soverania de sa nutrizioni e un’economia compatìbili cun is diritus de sa genti”. Custumerì su giru at a arribbai in Samassi: IlMinuto at a sighiri sa vicenda.

Política: s’Irs afestat is 600 annus de "Sa Batalla"

Pubblicau su 2/07/2009 a is 08:02 in Política | 0 cummentus
Argumentus:

(IlMinuto) – Casteddu, 2 de su mes”e lampadas – Funt passaus sesi seculus de sa batalla de Seddori e s’Irs bollit remonai dignamenti is sadrus chi “ant donau sa propriu vida e sa própriu esistènzia po sa “Repubrica Sardisca”. Cun custu obbietivu, a partiri de martis passau, su movimentu de Gavino Sale at aprontau, po una cida intrea, totu una filera de apuntamentus. Su 2009 est su seixentesimu anniversàriu de “Sa Batalla”, avenimentu chi s’est tentu su 30 de su mes”e làmpadas de su 1409 in su logu chi oi si lamant “Su Bruncu ‘e Sa Batalla”: po su movimentu indipendentista custa est una data meda importanti po s’istoria de sa Sardigna. Tra is apuntamentus aprontauss de s’Irs ddu est sa presentada de su liburu “1409-2009: Sa Battalla. La nazione sarda e la sua memoria futura” (sàbudu a is 18.30, saba cunvegnus de s’ex Montegranatico de Seddori Casteddu).
Su Calendàriu cumpletu cun totus is apuntamentus podit essi consultau in su sito www.irs.sr , e at essi puru pubblicau de IlMinuto.

Apuntamentus de oi

Pubblicau su 2/07/2009 a is 07:58 in Cultura | 0 cummentus
Argumentus:

(IlMinuto) – Casteddu, 1 de su mes”e argiolas -

Barràbi, festa de Santa Luxia “Santa Luxia Manna”

Tàtari, prazza Castello, mostra collettiva “Le donne dell’isola”

Crabònia, 19.00, prazza Roma, happening de iniziu de su Gsotto

Casteddu, 9.00, prazza Giovanni XXIII, partenzia de su No G8 in bici

Casteddu, 21.00, Teatro Civico, concertu de Paola Turci

Sarròccu, 22.00, villa Siotto, Paolo Fresu e Uri Caine in concertu

Tàtari, 21.00, prazza Santa Caterina, concertu de Larry Carlton