> 2009 mes’e argiolas 06 | ilMinuto

Archíviu de sa diri 6/07/2009

Apuntamentus de cras 7 de su mes”e argiolas

(IlMinuto) – Casteddu, 6 de su mes”e argiolas -

Tàtari, 9.00, pineta Baddi manna, Cuntra su G8: assemblea plenaria

Pula, 9.15, Parcu Tecnologico, convegnu po chistionai de “Genetica nel bacino mediterraneo”

Tàtari, 10.00, pineta Baddi manna, Cuntra su G8: discussionis a tema

Puttumaggiore, 21.00, prazza Santa Croce, cuncertu de Povia

Sedilo, prazza San Basilio, 21.30, Tazenda in concertu

Nuragus, 22.00, prazza pubblica, concertu de is Carovana folk

Concertus: Sedilo, is Tadenza serrant s’Ardia

(IlMinuto) – Casteddu, 6 de su mes”e argiolas – Ant essi is Tazenda cun sa musica de rock etnicu insoru a serrai cras a noti in Sedilo is festeggiamentus de s’Ardia (22.30, prazza san Basilio). Sa band at a presentai, tra is medas canzonis, puru is branus de s’ultimu album, “Madre Terra”, de su 2008.

Cuntra su G8: cumenzat in Tàtari sa tres diris contra a su nucleari e su razismu

(IlMinuto) – Casteddu, 6 de su mes”e argiolas – S’ant a agatai custu merì in Tàtari in su pinedu de Baddi Manna is rapresentantis de is 40 organizzazionis chi ant addiriu a su cuntravertici Cuntra su G8 de su 6, 7 e 8 de su mes”e argiolas: tres diris po aprontai s’oposizioni a sa militirarizzazioni de su territoriu, contra a su nucleari e contra a su razzismu a pagu diris de su G8 de s’Aquila. Cumenzant is traballus. S’at a tenni cras a mangianu a is 9.00 un s’assembrea plenaria. IlMinuto at a sighiri sa tres diris donendi totus is novas de is dibbatidus e de is chistionis a tema, de is films e de is concertus. Su programma cumpletu de su cuntravertici podit essi consultau in sa pàgina www.cuntrasug8.org.

Traballu: Casteddu sceberat 24 giòvanus po su "Servizio Civile"

(IlMinuto) – Casteddu, 6 de su mes”e argiolas – Puru po su 2009/2010 su Comunu de Casteddu acconsentit a su “Servizio Civile” nazionali.
Ant essi scioberaus 24 giòvanus tra is 18 e is 28 annus, chi ant a pigai unu stipendiu de 400 eurus. Is domandas andat presentadas no prus a tradu de is 14.00 de su 27 de su mes”e argiolas, in s’ufíciu Protocollo generali de via Crispi.

Prc Sardigna: Gianni Fresu est su segretariu nou de su Prc

(IlMinuto) – Casteddu, 6 de su mes”e argiolas – Su Prc tenit unu segretariu regionali nou: est su studiosu de Antonio Gramsci e militanti comunista Gianni Fresu. Fresu, elìgiu in Aristanis de su Comitau políticu regionali de Rifondazione cun votu a s’unanimidadi, est espressioni de sa parti de su partidu “Essere comunisti”, dirigia de Claudio Grassi. “Depeus torrai a partiri de sa lota – si podit ligiri in su documentu aprovau de su Comitau – primu de totu depeus partiri de s’isciòpiru generali de s’industria de su 10 de su mes”e argiolas, ingunis depeus andai in medas cun sa nostra proposta política”.