> 06 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 6/07/2009

Pàgina 2 de 2

Mostras: “Chiedi alla polvere”, s’Ardia in 90 fotografias

(IlMinuto) – Casteddu, 6 de su mes”e argiolas – S’at a concluiri cras “Chiedi alla polvere”, sa mostra fotografica chi chistonat de s’Ardia ospitada de sàbudu in tresi domus antigas de Sedilo, in via Dettori.
Cun is 90 fotos e cun is testus de Umberto Cocco is autoris – Gianluca Ara, Gianfranco Bussolai e Antonia Dettori – intendint contai sa religiosidadi de su populu de Sedilo e sa cavalcada classica “in is momentus de pàusa, candu sa cursa diventat una processioni de simbulus”.

Cordinamentu Kurdistan: apellu po sa mobilitazioni contra a s’estradizioni de Avni Er

(IlMinuto) – Casteddu, 6 de su mes”e argiolas – Su Cordinamentu Kurdistan fait un’apellu “a totus is antifascistas e a is democràticus” po si mobilitai contra a s’estradizioni de su presoneri curdu Avni Er in Turchia “aundi iat a arriscai sa vida”. Sa pregadoria de su Cordinamentu Kurdistan” arribbat a pustis de su trasferimentu de Avni Er de su presoni de Bad’ e Carros in Nùgoro a cussa de Beneventu. Su trasferimentu, a cantu narat sa nota de imprenta, iat a podi annunziai s’estradizioni in Turchia. Avni fut stestiu cundennau in su 2006 a set’annus de presoni po ai fattu parti de su Dhkp “insertau – acrarat su cordinamentu – in is listas de tenni a castiu, fattas de s’Ue a pustis de s’11 de su mes”e cabudanni”. “Una mobilitazioni manna – narat su comunicau – iat portau, giai in su 2008, sa Corti de Apellu de Tàtari a arrevesciai sa dimanda de estradizioni fatta de Ankara”.

Imigraus: Prc Casteddu: "Pedeus de serrai su Cpa de Su Masu"

(IlMinuto) – Casteddu, 6 de de su mes”e argiolas – “In Casteddu Rifondazione comunista at a cuntrastai in dognia modu sa cultura de malesa razzista de su Guvernu. Pedeus de serrai su Cpa de Su Masu e totus is presonis po imigraus, poita depit essi fattu arrespetai su diritu de asilu chi prevedit sa Costituzioni nostra”. Est aici chi su Segretariu provinziali de su Prc de Casteddu, Giuseppe Stocchino, commentat s’arribbu de una centina de nordafricanus in is costas meridionalis de s’Isola, a pustis ca sa “clandestinidadi”, su duus de su mes”e argiolas, in Italia est diventada culpa. Cun is imigraus ddoi furiat una fémina in pringia. Funti stetius totus inserraus in su Cpa de Su Masu. “Pedeus – sighit Stocchino – de podi connòsciri in cali cundizioni s’agatant is imigraus “aghillius” in Su Masu, po finzas cussas de sa fémina pringia. E pedeus sa subitana libberazioni e su ricoveru in d’un’ispidali adeguau”.

Apuntamentus de oi

(IlMinuto) – Casteddu, 6 de su mes”e argiolas -

Casteddu, 10.30, Biblioteca e Archivio storicu regionali, conferènzia stampa de presentazioni de sa mostra “Fabrizio de Andrè”

Montevecchio (Guspini), 11.00 gsotto, presentazioni de sa Carta de Montevecchio

Tàtari, 19.00 pineta de Baddi Manna, assemblea de inaugurazioni de su meeting Cuntra su G8

Casteddu, 22.00, Corto Maltese, Enrico Capuano in concertu

Sedilo, 22.30, prazza Regina Margherita, cuncertu de Maria Giovanna Cherchi