> 2009 mes’e argiolas 07 | ilMinuto

Archíviu de sa diri 7/07/2009

Apuntamentus de cras 8 de su mes”e argiolas

(IlMinuto) – Casteddu, 7 de su mes”e argiolas -

Tàtari, 9.00, pineta Baddi Manna, sighit su controvertici Cuntra su G8

Casteddu, 10.00, Facoltadi de Ingegneria, seminariu de bioingegneria po chistionai de “La nuova scienza delle reti”

Casteddu, 18.00, Consrvatoriu, Interazioni sonore: laboratoriu permanenti po is praticas musicalis noas

Casteddu, 21.00, via Sardegna, concertu de is Yip Men acoustic live ensemble

Casteddu, 22.00, Heavy Sands – Metal Fest

Tortuelie, 22.00, Rocce Rosse, Claudio Baglioni in cuncertu

Sìnnia, 23.00, Sa meri ‘e domu, concertu de Rossella Faa e Giacomo Deiana

No G8 in bici: nucleari, "chi du connoscis ddu vitas"

(IlMinuto) – Casteddu, 7 de su mes”e argiolas – Prus manna est sa connoscènzia de su nucleari e de is conseguènzias chi portat, prus piticu est s’appreziu po custa energia. Custa est sa fini de un’istudiu fattu de Andrea Olla de su “Cagliari social forum” in 17 classis de giòvunus tra is 16 e is 20 annus de s’”Istituto Tecnico Giua”. Sa circa esti stetia presentada sàbudu passau in Nurachi po s’assembrea chi at serrau su No G8 in bici. “Sa dimanda nucleari si o no – at spiegau Olla – fatta in momentus diversus (primu senz”e annunziai s’argomentu, e a pustis de unu mesi, candu is giòvanus ant tentu modu de si documentai liberamenti) at confirmau s’ipòtesi iniziali: prus manna est s’informazioni po custu argomentu e prus piticu est s’aggradessimentu chi agatat”.

7400 firmas in Facebook contra a su sindigu chi "proibit de donai a papai a is canis bagamundus"

(IlMinuto) – Casteddu, 7 de su mes”e argiolas – Funt 7400 e crescint de minutu in minutu is adesionis a sa petizioni on line promovia in su social network Facebook “contra a su sindigu de Silìcua, chi cun un’ordinanzia at proibiu de donai a papai e a bufai a is canis bagamundus”. “Una femina – ispiegant is promotoris – at pigau una multa de 105 eurus po ai donau a papai a unu cani bagamundu chi stadiat mali”. “No est totu – sighit su testu – custus poberus canis bivint in condizionis disastrosas, depint morri de famini senza podi tenni unu pagu de agiudu po podi subrabìviri”.

Ciclismu: a Tola su primu "Trofeo Città di Oristano"

(IlMinuto) – Casteddu, 7 de su mes”e argiolas – Est Vincenzo Tola su bincidori de su primu Trofeu “Città di Oristano”. Domìnigu su ciclista de sa Sc Ozierese, chi fait parti de sa categoria veteranus (40-47 annus) est arribau po primu a su traguardu de Tzeddiàni, lassendu a segus totus is atletas prus jòvunus. Andrea Carta s’est agiudicau sa categoria senior (33-39 annus). Primu in sa fascia d’edadi tra is 19 e is 27 annus est stetiu Emanuele Crobe. Is debuttantis (16-18 annus) ant biu comenti bincidori Giampiero Locci.

G8: Prc Sardigna, est apretosa una mobilitazioni democratica po assegurai sa libbertadi

(IlMinuto) – Casteddu, 7 de su mes”e argiolas – “Impediri is manifestazionis chi batacolant s’economia e sa política mondiali, in d’unu contestu de crisi economica sempri prus gravi”. Custu po su neo segretariu regionali de su Prc, Gianni Fresu, est su “motivu politicu” de is arrestus chi ant coinvoltu 21 personas po sa mobilitazioni contra a su G8 de s’Universidadi, chi s’est tenta in Torinu in su mes”e maju.
“Funt passaus giustu giustu ot’annus de is scontrorius de su ‘bocidroxu messicanu’ in Genova, malesas chi no funt stetias gastigadas. Custu parrit scéti un’antipastu de cussu chi si bolliri serbiri in su G8 chi si depit tenni tra pagus tempus. Est urgenti – narat Fresu – una mobilitazioni democratica po respetai sa libbertadi de sa persona e sa libbertadi colletiva, seguresas de sa Costituzioni nostra, contra a sa tentazioni de un’aggravamentu autoritariu”.