> 07 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 7/07/2009

Pàgina 2 de 2

G8. Casteddu, sit-in e assembrea permanenti contra a is arrestus

(IlMinuto) – Casteddu, 7 de su mes”e argiolas – Est forti sa reazioni a s’undada de arrestus chi at coinvoltu 21 manifestantis – tra custus ddoi furiat su sadru Mauro Aresu – crontra a su G8 de s’Universidadi de su mes”e maju in Torinu. Custu mangianu, a faci de su “Palazzo Giustizia” de Casteddu, dd’at essi unu sit-in de protesta. Sa ribellioni no si firmat innoi, puru sa Facoltadi de “Scienze della Formazione” de sa cittadi sighit su passu cun d’una assembrea permanenti contra a sa repressioni de su movimentu.

Narcau Blues: annullau su concertu de is "Taj Mahal Trio"

(IlMinuto) – Casteddu, 7 de su mes”e argiolas – Esti stetiu annullau su councertu de is “Taj Mahal Trio” chi si depiat tenniri su 22 de su mes”e argiolas po Narcau Blues Festival. S’organizzazioni de sa rassegna est traballendi po sostituiri su gruppu cun d’una band atteretantu brava. Su rembursu de su billetu podit essi pediu a is rivenditas aundi esti stetiu comporau.

Man de Nùgoro, de su 16 de su mes”e argiolas a su 4 de su mess”e ledaminis sa mostra po arregodai "Faber"

(IlMinuto) – Casteddu, 7 de su mes”e argiolas – At essi sa Sardigna a fai bonu acatu, a pustis de Genova, a sa mostra dedicada a Fabrizio De Andrè. In s’isola sa mostra at essi alloggiada, e organizzada, de su Man – Museu de arti de sa Provìnzia de Nùgoro (cun su contributu de sa Regioni Sardigna, su Palazzu Ducale e sa Fondazioni Fabrizio De André). De su 16 de su mes”e argiolas a su 4 de su mes”e ledaminis s’at a assisistiri a un’atera offerta de istima a s’opera de su cantautori. S’eventu at a occupai totus is localis de su museu cun d’unu allestimentu, multimediali e interattivu, chi at a portai su visitatori a bìviri un’esperiènzia “cun e aìntru - si podit liggiri in d’una nota – sa creatividadi e sa personalidadi de unu de is artistas prus mannus de su seculu passau”.
Sa mostra at essi oberta de su martis a su domìnigu (10.00 – 13.00, 16.30 – 20.30) e at essi libera.

Cantus de protesta : s’11 de su mes”e argiolas su radunu de IlDeposito.org

(IlMinuto) – Casteddu, 7 de su mes”e argiolas – S’at a tenniri s’11 de su mes”e argiolas in Livorno (a is 16.00, in su “Circolo ricreativo Arena Astra”) su segundu radunu de IlDeposito.org, s’apuntamentu nazionali de is appassionaus de sa canzoni de protesta. In quattru annus e mesu de attividadi su sito creau e gestiu de su casteddaiu Sergio Durzu est
diventau un’archiviu de 1200 cantus de 260 autoris e est arribau a mesu milioni de accessus e duus milionis e mesu de paginas visitadas.
“Is cantus de protesta – si podit liggiri in su sito – ant sempri accumpangiau sa lota de is classis oppressas e de su movimentu operaju. Funt unu patrimoniu politicu e culturali de valori mannu, de preservai e de fai bìviri àncora”. Puru po mori de IlDeposito is cantus podint bìviri àncora in is boxis e in is ghitarras de is appassionaus: in campu nazionali custu est s’unicu sito aùndi s’agatant is accordus po sonai is canzonis de protesta. IlDeposito est puru un’istrumentu
preziosu po sa scola e sa ricerca. “S’usu de is cantus po imparai – narat Durzu – est certu unu de is modus prus interessantis po usai su sito. Tra is prossimus obbiettivus de su staff de IlDeposito ddu est propriu cussu de sa scola”.

www.ildeposito.org

Apuntamentus de oi

(IlMinuto) – Casteddu, 6 de su mes”e argiolas -

Tàtari, 9.00, pineta Baddi manna, Cuntra su G8: assemblea plenaria

Casteddu, 9.30, Palazzo di Giustizia, Sit in  de solidariedadi po is arrestaus po is scontrus de su G8 de s’Universidadi

Pula, 9.15, Parcu Tecnologico, convegnu po chistionai de “Genetica nel bacino mediterraneo”

Tàtari, 10.00, pineta Baddi manna, Cuntra su G8: discussionis a tema

Casteddu, 18.30, Zirculu “Cagliari 1″ de ” Sardegna democratica” dibattimentu tra assocciazionis po su no a su nucleari

Puttumaggiore, 21.00, prazza Santa Croce, cuncertu de Povia

Sedilo, prazza San Basilio, 21.30, Tazenda in concertu

Nuragus, 22.00, prazza pubblica, concertu de is Carovana folk