> 2009 mes’e argiolas 08 | ilMinuto

Archíviu de sa diri 8/07/2009

Apuntamentus de cras 9 de su mes”e argiolas

(IlMinuto) – Casteddu, 8 de su mes”e argiolas -

Casteddu, 11.00, sit in de is precarius  de s’amministrazioni pubblica a facci de su Consillu regionali

Palau, 18.00, Biblioteca de Palazzo Fresi, “Un pomeriggio in biblioteca. Racconti per immagini di Alessandra Angeli”

Ossi, 18.30, Spaziu teatrali Molineddu, seminariu  curau de s’Associazioni Kenosis po chistionai de su mimo

Casteddu, 19.00, Lazzaretto, atobiu Belgarve Square: Jam session de musica irlandesa

Nùgoro, 21.00, Anfiteatru Peppino Ticca, “Promemoria” de e cun Marco Travaglio

Casteddu, 21.00, Bodie Art, Arrogalla live set – presentazioni de su ep nou

Santa Maria Navarrese, 21.00, via Sardegna, ispettaculu de is gruppus nous po totus is caminus de sa bidha

Cuntrasug8: massaria, Sardigna acapiada a is importazionis

(IlMinuto) – Casteddu, 8 de su mes”e argiolas – Afirmai su diritu de dognia populu a traballai e a fai commerciu cun is prodotus de sa própiu terra, eccettuendi is dogmas de sa globalizzazioni. Est custu unu de is obiettivus condividius de is rappresentantis de is organizzazionis chi ariseru ant participau a s’assemblea Cuntrasug8 de Tàtari po chistionai de sa massaria. Ddoi furiat puru “Sovranità alimentare”, s’organizzazioni presedia de Gianni Fabris, chi at ispiegau is metodus po “torrai a portai sa massaria ananti a s’attenzioni de is Guvernus”. Sa Sardigna est atesu de sa “Sovranità alimentare”, sendu oi custa, comenti narat una nota fatta girai de su controvertici “casi totalmenti acapiada a is importazionis de foras”.

 

www.cuntrasug8.org

Master and Back: pubblicau su bandu po "l’Alta formazione"

(IlMinuto) – Casteddu, 8 de su mes”e argiolas – Esti stetiu pubblicau su bandu Master and Back 2009 po s’”Alta formazione”. De ariseru su bandu si podit consultai in su sito de sa Regioni. “In cust’edizioni – si podit liggiri in sa presentazioni – is selezionis no prevedint vantaggius po chi fait sa dimanda primu”. Su bandu nou tenit custa e ateras novitadis: in is prossimas diris IlMinuto at a pubblicai un’analisi prus approfundada.

Traballu: sindacaus, in su "collegato" no ddoi est nesciunu signu po stabilizzai is precarius

(IlMinuto) – Casteddu, 8 de su mes”e argiolas – Est sempri prus bascosa s’istadi de sa Giunta Cappellacci. Cras a mangianu a is 11.00, a facc”e sa sedi de su Consillu s’at a tenni unu sit in de totus is precarius de sa pubblica amministrazioni regionali. “Cun sa crisi de sa produzioni chi corpit s’Isola – si podit liggiri in su comunicau de Cgil, Cisl e Uil – sa Giunta regionali no donat arrespustas a is medas precarius de s’amministrazioni. In su “collegato” a sa Finanziaria – si precisat in su documentu – no ddoi est su signali de sa promissa de stabilizzazioni”.

Cuntrasug8: Ambienti, Sardigna unu laboratoriu po s’energia alternativa

(IlMinuto) – Casteddu, 8 de su mes”e argiolas – Fai de sa Sardigna “unu laboratoriu po s’energia alternativa e indipendenti”. Custa est sa crai de su documentu approvau ariseru de s’assemblea po s’ambienti in su Cuntrasug8 de Tàtari – “sa Sardigna – concludit su testu – si prestat beni a diventai unu laboratoriu sperimentali po s’energia alternativa, un’energia chi tenit comenti origini is risorsas rinnovabilis, usadas a segunda de sa situazioni de su territoriu e cun impiantus de produzioni piticus”.

www.cuntrasug8.org