> 08 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 8/07/2009

Pàgina 2 de 2

Cuntrasug8: libberai debressi Aresu e Bellomonte

(IlMinuto) – Casteddu, 8 de su mes”e argiòlas – Puru s’assembrea de su cuntravertici Cuntrasug8 reuniu su 7 e s’8 de su mes”e argiòlas in Tàtari donat sa própriu solidariedadi “a totus is arrestaus in is interventus de fintu prevenimentu po su G8 e pedit prusatotu sa libbertadi de Bruno Bellomonte, arrestau su 10 de su mes”e làmpadas, cun s’acusa de ai tentu s’intenzioni de bolli aprontai un’atentau cuntra a su G8 de Sa Madalèna, e Mauro Aresu. “Pedendi sa libbertadi de Bruno, Mauro e de totus is presoneris – si podit ligiri in su documentu – Cuntrasug8 pedit agiudu a sa popolazioni, narendiddi de si mobilitai contra a su scontróriu e sa malesa de sa polizia e contra a unu vertici illegìtimu coment’est cussu chi cumenzat oi in s’Aquila”.

Sanidadi: Asl 8, scadint cras is dimandas po s’avisu de mobilidadi

(IlMinuto) – Casteddu, 8 de su mes”e argiolas – Scadit cras s’avisu de mobilidadi regionali e interegionali tra aziendas e entis de su Serbiziu sanitariu nazionali po sa copertura de 28 postus de traballus po s’Asl 8 de Casteddu. Su bandu est po varius profilus professinalis. Si xircant: 15 operatoris sociu-sanitarius e 13 collaboratoris professionalis cualificaus. S’avisu esti stetiu pubblicau in sa Gazzetta Ufficiale de su 9 de su mes”e lampadas.

“Promemoria”, su tour sadru de Marco Travaglio

(IlMinuto) – Casteddu, 8 de su mes”e argiolas – Custumerì in Nùgoro, cras in Casteddu e sàbudu in Tortuelie. Funt custas is tappas de su “minitour” sadru chi su giornalista torinesu fait po presentai su propriu ispettaculu “Promemoria”: un’istoria “a is lacanas de sa realidadi po is ultimus 15 annus de s’Italia”. “In cali logu – si dimandat Travaglio – sa genti iat a andai po intendi sa propriu istoria recenti? In nesciunu logu, poita unu sa propriu istoria da conoscit a memoria”. “Eccu – sighit su giornalista – nosu no dda conosceus. Dd’eus bivia diri po diri, ora po ora, ma si dda seus scarescia. O si dd’arregodaus diversa de coment est andada. Poita sa televisioni no si dda contat coment’est”.

G8: Sinistra Critica, su movimentu no at a tìmi

(IlMinuto) – Casteddu, 8 de su mes”e argiolas – “S’undada de is arrestus no at a firmai s’oposizioni a su G8 e sa politica chi bidit castigada s’instruzioni pubblica”. Custu est cantu narat cun d’una nota su cordinamentu de Sinistra Critica sadra. “Is sit in, is manifestazionis e is assembreas permanentis de custas oras – ispiegat su movimentu anticapitalista – funt sa demostrazioni cuncreta ca su movimentu sadru noat a tìmi e at a sighiri sa própriu batala contra a is penas chi si donat su Guvernu”.

Apuntamentus de oi

(IlMinuto) – Casteddu, 8 de su mes”e argiolas -

Tàtari, 9.00, pineta Baddi Manna, sighit su controvertici Cuntra su G8

Casteddu, 10.00, Facoltadi de Ingegneria, seminariu de bioingegneria po chistionai de “La nuova scienza delle reti”

Casteddu, 18.00, Consrvatoriu, Interazioni sonore: laboratoriu permanenti po is praticas musicalis noas

Roma
, 18.00, sede de sa Regioni Sardigna, riunioni de sa Giunta regionali

Casteddu, 21.00, via Sardegna, concertu de is Yip Men acoustic live ensemble

Casteddu, 22.00, Heavy Sands – Metal Fest

Tortuelie, 22.00, Rocce Rosse, Claudio Baglioni in cuncertu

Sìnnia, 23.00, Sa meri ‘e domu, concertu de Rossella Faa e Giacomo Deiana