> 09 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 9/07/2009

Apuntamentus de cras 10 de su mes”e argiolas

(IlMinuto) – casteddu, 9 de su mes”e argiolas -

Casteddu, 9.30, prezza Garibaldi, scioperu generali de s’industria

Casteddu, 16.00, Circolo Gramsci, attivu regionali de is Jovans Comunistas

Mamujada, 17.00, quadrangolari de calciu tra is comitaus de sa Festa de “San Sebastiano”

Casteddu, 19.00, libreria Murru, presentazioni de su romanzu “Ti incotrerò” de Sandro Mascia

Casteddu, 21.00 Anfiteatru romanu, “Promemoria” de e cun Marco Travaglio

Tàtari, 21.00, “Notte bianca”

Tàtari, 21.30, in s’ambitu de sa ‘Notte bianca’ “Cosa me ne faccio di una poesia? Jodorowsky alla Notte bianca”

Ittiri, 22.00, prazza pubblica, Janas in concertu

Altzaghèna, 22.00, Janas in concertu

Palau, 22.00 ‘Fortezza Monte Altura’ “sonetaula de Giuseppe Fiori: reading musicale po contai un’istoria  de venganza e modernidadi”

Collinas, 22.00, prazza Giardini, concertu de is Ratapignata

Tempus liberu: Maracalagonis, una diri a passu de su molenti

(IlMinuto) – Casteddu, 9 de su mes”e argiolas – Puru sa Sardigna tenit un’ “Asineria sociale”. Est sa primu de s’isola. Est in funzioni de pagus annus in Maracalagonis e s’arribat pighendu su biviu po Tasonis in sa statali 125: chini passat una diri in su “Circolo dell’Asino” scioberat de rallentai sa propriu diri po caminai a passu de molenti. “Su molenti sadru – ispiegant is organizzadoris – est una bestia pitica cun dotis mannas, una bestia calma chi agiudat a rallentai”. Funt puru previdias bisitas po cussas chi sa cooperativa sociali s’Alchimia lamat “personas cun bisongius specialis”. “Curai su molenti tressu attividadis psicomotorias agiudat s’intendimentu – si podit ligiri in d’una nota – fait forti s’autostima e agiudat puru sa socialidadi”.

Cuntrasug8: traballu, prus dirittus e prus seguresa

(IlMinuto) – Casteddu, 9 de su mes”e argiolas – Un’atenzioni prus manna a sa tutela de is traballantis in tema de dirittus e seguresa. Est custa sa nezzessidadi de totus, bessia ariseu a Tàtari in sa pineta de Baddi Manna de is atóbius a tema de su Cuntrasug8, po s’ùltima diri de su contravertici.
Luca Climanti (Rdb Cub) at fattu presenti sa proposta de “organizzai in attòngiu unu cunvegnu po chistionai de su traballu in Sardigna, aprontau de is traballantis sadrus, de dognia appartenenzia politica e sindacali.
In su dibattidu s’est chistionau puru de repressioni e razzismu. Po custu motivu esti stetia fatta sa proposta po s’elezioni de unu rappresentanti ‘non comunitario’ in su Consillu comunali de Tàtari.
“In custas duas diris – at nau Antonello Tiddia, Rsu carbosulcis – apu biu meda cumpangius chi tenint passioni morali, ispiritu de sacrificiu e idealis. Si depeus moviri de innoi”.

Traballu: a facc”e su Consillu s’inchietudini de is precarius

(IlMinuto) – Casteddu, 9 de su mes”e argiolas – Si respirat inchietudini e amaresa tra is centu precarius de s’amministrazioni pubblica chi custu mangianu manifestant a facc”e su Consillu regionali de via Roma. “Sa Lei Finanziaria parriat at arregortu is istanzias nostras – narat una traballanti chi preferit abarrai anonima – beru est ca su “collegato” no donat concretesa a is impegnus pigaus”. Tra is precarius chi ddoi funt a su sit in de Cgil, Cisl e Uil, ddoi est puru una rappresentanza de s’”Agenzia regionale protezione ambiente”, fatta de traballantis chi tenint unu cuntrattu chi scadit tra su mes”e totussantus e su mes”e de paschixèdda. A sa fin”e s’annu ant a scadiri puru is contrattus de circa 400 applicaus a sa gestioni de is museus. “Pedeus sa stabilizzazioni de is postus de traballu – narat Alberto Pusceddu de su Comitau “Lavoratori beni culturali” – a oi s’unica arrespusta concreta esti stetia sa pròroga de is finanziamentus”.

Cgil: "Eus a cuntrastai serradura de su petrolchímicu in totus is modus"

(IlMinuto) – Casteddu, 9 de su mes”e argiolas – “Serrai su petrolchímicu est unu scioberu politicu chi eus a cuntrastai in totus is modus”. Est cantu narat su segretariu de sa Cgil sadra Enzo Costa in d’un’editoriali de su giornali ‘Altra Sardegna’, fattu connòsciri de s’ufíciu stampa de su
sindacau. “Sa decisioni de s’Eni – narat Costa – parrit una provocazioni fatta primu de is diris de su isciòpiru de su 10 de su mes”e argiolas. Custu fattu si donat sa cunfirma ca depeus cumbati po si podit difendiri de s’ennesimu dannu fattu a is sadrus”. “Provedimentus comenti sa Lei finanziaria – sighit su segretariu – o, peus àncora, su “collegato”, donant una rappresentazioni clara de cantu sa politica siat atesu de is  bisóngius de sa genti”.