> 10 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 10/07/2009

Pàgina 2 de 2

Isciòpiru: in 20milla sfilant po difèndiri su traballu

(IlMinuto) – Casteddu, 10 de su mes”e argiolas – At superau is nùmerus annunziaus de is organizzatoris a sa vígilia sa partecipazioni a s’isciòpiru generali de s’industria sadra.
Prus de 20milla traballantis ant pigau is banderas e ant sfogau sa própriu inchietudini in su corteu chi at frimau parzialmenti su tràvigu in su coru de sa cittadi de Casteddu. “In cincu mesis – at spiegau su segretariu de sa Cgil Enzo Costa – funti stetius perdius, in s’Isola, 33milla postus de traballu, e nosu bolleus manifestai su nostru dissensu contra a custu Guvernu. Custa est sa crai de su successu de una mobilitazioni convocada po su 10 de su mes’e argiolas, a pustis de s’annunziu de s’Eni de “frimada ténnica” a is impiantus de su cracking de Pòrtu Turre. “Sa Sardigna torrat a arriri?”, at dimandau unu traballanti de sa chímica chi furiat in su palcu: “Finzas a oi – at spiegau – no eus fattu ateru ca prangi is nostrus mortus in is fàbbricas e in is istradas”. “Teneus bisóngiu de unu movimentu chi sustengat sa lota nostra”, at nau sa segretaria de sa Uil Francesca Ticca. “Teneus bisóngiu de costruiri impari una liga chi progetit unu modellu nou de isvilupu po su futuru de sa Sardigna”. In sa manifestazioni su Pcl at donau unu volantinu po contestai is “burocrazias sindacalis”.

Isciòpiru: in Casteddu sfilant 10milla traballantis

(IlMinuto) – Casteddu, 10 de su mes”e argiolas – Ant essi 10milla is traballantis chi custu mangianu a is 10.00 s’ant a agatai in prazza Garibaldi po donai su via a su corteu organizzau de Cgil, Csil e Uil po s’isciòpiru generali de s’industria in s’Isola. Su corteu at a sfilai po sa cittadi e at a finiri in prazza Carmine cun is intervetus de is leader sindacalis. De is 6 de custu mangianu est cuminzau puru su frimu de 184 oras de is impiantus (“parcu serbatoius e pontili liquidus”) de s’istabilimentu Eni de Pòrtu Turre. Is sindacadus confederalis ant proclamau un’isciòpiru po totu sa cida.

Vertenza chímica: Pcl, tocat a fai comitaus unitarius po sa lota

(IlMinuto) – Casteddu, 10 de su mes’e argiolas – “Fai cumitaus unitarius de lota de is traballantis po abbàtiri is capu mannus de s’Eni e is traitorius de sa burocrazia sindacali”. Est custa sa proposta de su cordinamentu regionali de su Pcl po aprontai s’oposizioni
a su sderrocu de s’industria chímica in Sardigna. “De prus de 20 annus – sighit su testu de su Pcl – sa burocrazia sindacali no at difèndiu is postus de traballu, in nesciunu logu, partendi de s’iscola e finendi cun is fràbbicas. Tenint arrexoni is traballantis de s’ex Ineos de Pòrtu Turre a nai cha sa burocrazia sindacali iat a preni is traballantis de asselieris po ddu su fai diventai asservius”.

Vertenza Chímica: Pd, mandau totali a Cappellacci

(IlMinuto) – Casteddu, 10 de su mes”e argiolas – “Su Pd, in s’atóbiu  chi s’est fattu in Roma, at donau unu mandau totali a su Presidenti de sa Regioni Sardigna po gestiri sa vertenza chi precisat sa  responsabbilidadi de su Governu comenti principali azionista de s’Eni. Est cantu narat una nota de su Pd a pustis de s’atóbiu romana de sa Giunta regionali de is capugrupus in s’assembrea de via Roma. “Eus preferius – precisat du documentu – ancora una borta s’onestadi política e sa boluntadi de istrobillai is chistionis beras de sa Sardigna in modu diversu, senz”e pòniri blocus e palonis dotrinalis po un’acuntéssia chi no si podit fai abarrai asseliaus”.

Apuntamentus de oi

(IlMinuto) – Casteddu, 9 de su mes”e argiolas -

Casteddu, 9.30, prezza Garibaldi, scioperu generali de s’industria

Casteddu, 16.00, Circolo Gramsci, attivu regionali de is Jovans Comunistas

Mamujada, 17.00, quadrangolari de calciu tra is comitaus de sa Festa de “San Sebastiano”

Casteddu, 19.00, libreria Murru, presentazioni de su romanzu “Ti incotrerò” de Sandro Mascia

Casteddu, 21.00 Anfiteatru romanu, “Promemoria” de e cun Marco Travaglio

Tàtari, 21.00, “Notte bianca”

Tàtari, 21.30, in s’ambitu de sa ‘Notte bianca’ “Cosa me ne faccio di una poesia? Jodorowsky alla Notte bianca”

Ittiri, 22.00, prazza pubblica, Janas in concertu

Altzaghèna, 22.00, Janas in concertu

Palau, 22.00 ‘Fortezza Monte Altura’ “sonetaula de Giuseppe Fiori: reading musicale po contai un’istoria  de venganza e modernidadi”

Collinas, 22.00, prazza Giardini, concertu de is Ratapignata