> 2009 mes’e argiolas 14 | ilMinuto

Archíviu de sa diri 14/07/2009

Apuntamentus de cras 15 de su mes”e argiolas

(IlMinuto) – Casteddu, 15 de su mes”e argiolas -

Casteddu, 10.00, riunioni straordianria de su Consillu regionali

Tàtari, 21.00, prazza de s’Iscola Media n. 2, proiezioni de su film “Boheme”

Casteddu, 22.10, prazza Savoia, Luca Manuntza Organ Trio

Casteddu, 22.15, Teatru Civico de Castello, “Fufffuturismo”, ispettaculu de danza futurista

Pòrtu Turre, 23.00, Circolo delle Vigne, atobiu de AMP po chistionai de “Eiskal Erria: unu populu in gherra, pro sa libertade”.

Mostras: Exmà, “ Visioni del cuore dell’Africa”

(IlMinuto) – Casteddu, 14 de su mes”e argiolas – “Visioni del cuore dell’Africa”: custu est su titulu de sa mostra fotografica de Antonio Ulzera chi at essi inaugurada oi in Casteddu (Exma, 19.00) e at a abarrai oberta finzas a su 9 de su mes”e austu. In 40 fotos fattas po is viaggius de istudiu, s’Ordinariu de Geomorfologia fait biri “paesaggius e situazionis de vida de su Sahara” cun attenzioni profunda a is attividadis de s’omini po s’ambienti.

Tumori a sa cervice uterina, finida sa primu fasi de sa campagna po sa prevenzioni

(IlMinuto) – Casteddu, 14 de su mes”e argiolas – Funt 61.665 is feminas chi ant fattu s’esàmini de controllu: est custu su bilanciu de sa primu fasi de sa campagna de prevenzioni de su tumori a sa cervice uterina fatta de sa Asl de Casteddu a cominzai de su 2004.
In cincu annus de campagna at addiriu sempri prus genti. Su 38 po centu est stetiu registrau in su 2008. Funti stetias sollicitadas a participai a s’iniziativa totus is feminas (150milla) residentis o chi bivint in su territoriu de cumpetetènzia de sa Asl. Totus is feminas chi ant addiriu, de edadi tra is 25 e is 65 annus, ant fattu su pap test. Ariseru is rappresentantis de su ‘Servizio promozione de la salute’ e is membrus de sa commissioni aziendali po su screening ant fattu conosciri is datus de su primu reclutamentu.

Sanidadi: Handicap, in Cuartu Sant’Alèni dimandas po is pranus "ad personam" finzas a su 10 de su mes”e austu

(IlMinuto) – Casteddu, 14 de su mes”e argiolas – Is residentis de Cuartu Sant’Alèni chi tenint un handicap gravi e certificau de sa Asl tenint tempus finzas a su 10 de su mes”e austu po presentai is dimandas po pediri a su Comunu sa predisposizioni de unu pranu de assistenzia personalizzau. Ddu narat cun d’unu avissu s’Assesorau a is Politiche sociali de Cuartu Sant’Alèni.

Volontariau: appellu de 220 associazionis a Cappellacci contra a is taglius a su Serbiziu Civili

(IlMinuto) – Casteddu, 14 de su mes”e argiolas – Un’apellu a su Presidenti de sa Regioni contra a is taglius de is finanziamentus a is progetus de su Serbiziu Civili Nazionali de fai in s’isola. S’apellu esti stetiu mandau in is diris passadas a Ugo Cappellacci de 220 associazionis de bolontariau de sa Sardigna. “Funti stetius finanziaus – si podit ligiri in su documentu – scéti 58 progetus po 158 presentaus de is entis chi funt in s’Albo regionali”. “Is giòvanus chi podint fai su Serbiziu Civili -narat s’apellu- funt 299. A confrontu de su bandu passau funti stetius fattus taglius de circa 300 unidadis”. A sa luxi de cantu est sussediu, is associazionis pedint a su Presidenti s’”immediata esecuzioni de sa lei regionali noa po su Serbiziu Civili” e “s’utilizzu de is risorsas giai impegnadas e non spendias e de is risorsas aggiuntivas nezzesarias” po podi avviai totus is 877 progettus aprovaus.