> Archive: mes'e argiolas 2009 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 15/07/2009

Apuntamentus de cras 16 de su mes”e argiolas

Pubblicau su 15/07/2009 a is 16:48 in Cultura | 0 cummentus
Argumentus:


(IlMinuto) – Casteddu, 15 de su mes”e argiolas -

Santu Sperau, 16-19 de su mes’e argiolas, Sagra de su pressiu

Teulada, festeggiamentus po sa Madonna de su Cramu

Ittiri, “Ittiri Folk Festa 2009″: Festival internazionali de danza e espressionis popolaris

Alighera, “Lungomare Barcellona”,”In Alghero Folk International”

Marrùbiu, 18.00, Aula de su Consillu, Consillu comunali de is jòvanus

Casteddu, 21.00, Anfiteatru romano, Pfm candat De Andrè

Orgòsolo, 21.00, prazza pubblica Casinò in concertu

Palau, 21.30, Fortezza Monte Altura, Baires Tango

Sarròccu, 21.30, villa Siotto “Tenebras” de e cun Elio Turno Arthemalle, Dorian Gray, Cristiano Bandini, Paolo Carboni

Casteddu, 22.00, Corto Maltese, The Toasters in concertu

Teatru e musica: “Tenebras” de Catinari cras in Sarròccu

Pubblicau su 15/07/2009 a is 16:39 in Cultura | 0 cummentus
Argumentus:

(IlMinuto) – Casteddu, 15 de su mes”e argiolas – Fueddus, musica e videus po unu viàgiu notturnu in s’anima niedda de sa Sardigna. Cras in Sarròccu at andai in iscena “Tenebras, racconti dalla penombra” (21.30, villa Siotto). S’opera nascit de un’idea de Davide Catinari, boxi e leader de is Dorian Gray, gruppu istoricu de sa scena rock sadra. Is sonus e is visionis de “Tenebras” funt accumpangiadas de quattru istorias de atmosfera crepuscolari e misteriosa, scrittas de Cristiano Bandini e contadas in scena de s’attori casteddaiu Elio Turno Arthemalle cun s’agiudu de is immàginis de su regista Paolo Carboni e de is luxis de Loic Hamelin. S’ispettaculu est arricchiu de s’accumpagnamentu musicali de is Dorian Gray.

Vertenza chímica: sindacaus, "Su Guvernu si depid fai chistionai"

Pubblicau su 15/07/2009 a is 14:57 in Traballu | 0 cummentus
Argumentus: , ,

(IlMinuto) – Casteddu, 15 de su mes”e argiolas – Is sindacaus cunfederalis ant a sighiri sa mobilitazioni po difèndiri s’industria chímica in Sardigna (ddu ant a fai a senz”e avisai comenti ant fattu oi blocchendi s’aereoportu de S’ Alighera). Ant a fai azionis no programmadas finzas a chi su Guvernu no at a dizidiri de chistionai puru cun is partis socialis, candu ddoi at essi s’atóbiu cun sa Giunta regionali in Palazzo Chigi, su 17 de su mes”e argiolas. Is intenzionis de Cgil, Cgil e Uil funti stetias annunciadas oi cun d’unu documentu donau a su Consillu regionali in atóbiu estraordinariu.

Sadrus in su mundu: on line su bandu po su "Candeliere d’oro"

Pubblicau su 15/07/2009 a is 12:56 in Sociedadi | 0 cummentus
Argumentus:

(IlMinuto) – Casteddu, 15 de su mes”e argiolas – Sa nostalgia de Tàtari si tocat puru in internet, aundi s’agatant, po sa primu borta on line, is modulus po s’iscriri a su “Candeliere d’oro” e a su “Candeliere d’argento”. Su primu andat a su tataresu chi de tempus meda bivit foras de Stadu e torrat in su capoluogu turritanu po sa Faradda. Su “Candeliere d’argento” premiat su tataresu chi bivit in Italia e torrat in Tàtari po Mesaustu. Su termini ultimu po podi presentai sa documentazioni est su 13 de mes”e austu.

Po ndi sciri de prus:

http://www.comune.sassari.it/comune/ufficio_stampa/luglio_09/candelieri_oro_argento.html

Liburus: Vargiu, “Storia dell’arte contemporanea in Sardegna”

Pubblicau su 15/07/2009 a is 11:38 in Cultura | 0 cummentus
Argumentus:

(IlMinuto) – Casteddu, 15 de su mes”e argiolas – S’isviluppu de s’arti in Sardigna in s’edadi contemporanea. Est custu su tema de s’ultimu liburu de Luca Vargiu,  “Storia dell’arte contemporanea in Sardegna” (Cuec). Cun cust’opera s’autori – maistu de Istoria e Filosofia, studiosu de Estetica e Teoria delle arti – in sa collana “Il Punto, archeologia e storia dell’arte” chistionat de su presuntu ritardu artisticu-culturali de s’isola partendi de is importantis mutamentus de su XVIII seculu.

Donazioni "midollo osseo": sa Sardigna est sa regioni prus generosa

Pubblicau su 15/07/2009 a is 10:15 in Sociedadi | 0 cummentus
Argumentus:

(IlMinuto) – Casteddu, 15 de su mes”e argiolas – Puru po su 2008 sa Sardigna esti stetia sa primu in classifica po sa donazioni de su “midollo osseo”. A confrontu cun su numeru de is abitantis s’isola tenit su numeru prus mannu de potenzialis donatoris: 1271 iscrittus in su Registru regionali (chi tenit sa propriu sedi in su Binaghi) dognia 100milla abitantis. Importanti, po arribbai a s’iscopu, est s’impignu de is volontarius de s’Admo in totu su territoriu.

Coldiretti: in Sardigna ddoi est puru sa crisi de sa massaria

Pubblicau su 15/07/2009 a is 09:31 in Ecunumia | 0 cummentus
Argumentus:

(IlMinuto) – Casteddu, 15 de su mes”e argiolas – “In Sardigna no ddoi funt scéti is chistionis gravosas de s’industria, de sa chimica e de is serbìzius. Oi sa chistioni de sa massaria no podit passai prus in segundu pianu a confrontu de is ateresus problemas de s’isola”. Est custu su principiu de su documentu fattu conòsciri in is diris passadas de sa Coldiretti. “Cun sa massaria e cun sa pastorizia – ispiegat su documentu – bivint 60milla impresas”. Sa magioranza de is impresas, precisat sa Coldiretti, a stentu arrennescit a biviri. Is impresas funt po su prus carrigas de depidu po mori puru ca funt costringias a pagai s’àcua a costus grais a confrontu de is 200 eurus po etaru patuius.

Concertus: Ratapignata, cenàbara sa presentazioni de s’album nou in su Corto Maltese

Pubblicau su 15/07/2009 a is 08:53 in Cultura | 0 cummentus
Argumentus:

(IlMinuto) – Casteddu, 15 de su mes”e argiolas – Funt a su segundu album is Ratapignata. Cenàbara a is 22.00 ant a presentai unu traballu nou, “Sonu e’ Magasinu”, cun d’unu concertu in su Corto Maltese, riba Puettu de Casteddu.
Is Ratapignata, cun d’unu stili tra su Ska e su Reggae, animant is palcus sadrus e nazionalis de su 1998. Sa musica de sa band, spiegant in MySpace, est “un’impastu de stilis, de ritmus e de sonus, arricchia de is testus in lingua sadra de Lele Pittoni”. “Son’e Magasinu – specificat sa band – est un’album totalmenti autoprodusiu, un’album registrau in su studiu nostru cun sa guida de s’ingegneri de su sonu e produttori artisticu Enrico Rocca”.

Vertenza chímica: cras sit in in sa 131

Pubblicau su 15/07/2009 a is 08:16 in Traballu | 0 cummentus
Argumentus: ,

(IlMinuto) – Casteddu, 15 de su mes”e argiolas – Sa disputa de Cgil, Csil e Uil po difèndiri s’industria chímica no si firmat. Nonostanti sa dimanda de su Guvernu a s’Eni de sospèndiri su bloccu de su “Cracking” in Pòrtu Turre e sa possíbbili adunanzia de Regioni, Esecutivu nazionali e multinazionali po cida chi benit, is sindacaus cunfirmant su bloccu de sa 131. Cras a mangianu, de is 8 a is 10, s’at a tenniri unu sit in in su bìviu po Abbasànta.

Apuntamentus de oi

Pubblicau su 15/07/2009 a is 07:29 in Cultura | 0 cummentus
Argumentus:

(IlMinuto) – Casteddu, 15 de su mes”e argiolas -

Casteddu, 10.00, riunioni straordianria de su Consillu regionali

Tàtari, 21.00, prazza de s’Iscola Media n. 2, proiezioni de su film “Boheme”

Casteddu, 22.10, prazza Savoia, Luca Manuntza Organ Trio

Casteddu, 22.15, Teatru Civico de Castello, “Fufffuturismo”, ispettaculu de danza futurista

Pòrtu Turre, 23.00, Circolo delle Vigne, atobiu de AMP po chistionai de “Eiskal Erria: unu populu in gherra, pro sa libertade”.