> 17 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 17/07/2009

Pàgina 2 de 3

Universidadi: Casteddu, approvau su "Codice Etico"

(IlMinuto) – Casteddu, 17 de su mes”e argiolas – Su refudu de dognia razzismu, sa cundanna de is “molestias sessualis”, sa promozioni de sa
libertadi accademica e su refudu de dognia nepotismu e de dognia favoretismu. Custus funt scèti pagus esèmpius de is articulus chi s’agatant in su “Codice Etico” de s’Universidadi de Casteddu. Codici emau in is diris passadas cun d’unu decretu de su Rettori. Chi no at arrespettai is regulas, spiegat s’articulu 12, at a podit essi puniu cun sanzionis disciplinaris.

Custu su Codici:

http://www.unica.it/UserFiles/File/Normativa/Codice%20etico.pdf

Vertenza chímica: Sinistra Critica, "Renunziai totus a su postu"

(IlMinuto) – Casteddu, 17 de su mes”e argiolas – “Cussas chi si pagant in is ùltimas oras no funt scéti is promissas ipocritas de Berlusconi e de Cappellacci, si pagat su modu de fai, de totu sa classi politica sadra de centrudestra e de centrusinistra, si pagat su modu de fai de unu sindacau chi medas bortas si movit ‘a babbu mortu’: renunziai totus a su postu”. Custu est s’opinioni de Sinistra Critica sadra in matéria de crisi chímica. “Totu sa solidariedadi nostra – narat su movimentu anticapitalista – andat a is traballantis chi in custas oras cumbatint cun disisperu po difèndiri su própriu postu de traballu firmendi is istradas e is aereoportus”.

"Recital": torrat Corrado Guzzanti

(IlMinuto) – Casteddu, 17 de su mes”e argiolas – Su “telepredicatore” Quelo e sa conduttrici de Rieducational Channel Vulvia, is interpretazionis de Fausto Bertinotti e de su Ministru Giulio Tremonti. “Recital”, s’ispettaculu nou de Corrado Guzzanti, est nàscia de sa gana de torrai a presentai is “personàggius istoricus” de su propriu repertoriu televisivu. Su show at essi presentau in Casteddu (14 de su mes”e cabudanni, Anfiteatru romano). Cun su comicu dd’at essi sa sorri Caterina chi at interpretai, tra is aterus personaggius, su Ministru Gelmini.

Segreteria Pd: Milia acozat sa candidadura de Marino

(IlMinuto) – Casteddu, 17 de su mes”e argiolas – Ni Bersani ni Franceschini. Graziano Milia acozat sa candidadura de su Senadori Ignazio Marino, su partigianu de s’abbisóngiu de fai una lei po su “testamento biologico”, a Segretariu de su Pd. Su Presidenti de sa Provìnzia de Casteddu narat ca sa proposta Marino est una proposta po una “candidadura noa, a foras de is gherras personalis, narat ca est una candidadura fatta de ideas, valoris e princípius.

Isciòpiru in Carrefour: cras at essi prus difícili fai sa spesa

(IlMinuto) – Casteddu, 17 de su mes”e argiolas – Sa crisi sadra corpit puru sa distribuzioni de is centrus commercialis. Cras is traballantis de Carrefour s’ant a arrebbellai po ot’oras e no at essi possibbili fai sa spesa in s’ipermecau de Cuartu Sant’Alèni. Su isciòpiru esti stetiu boffiu in totu sa nazioni de Cigl, Csil e Uil po protestai contra a sa negazioni de su cuntrattu integrativu aziendali boffiu de s’azienda su 17 de su mes”e argiolas: una bella reduzioni a is pagas de is dipendentis de sa multinazionali francesa.