> 2009 mes’e argiolas 20 | ilMinuto

Archíviu de sa diri 20/07/2009

Apuntamentus de cras 21 de su mes”e argiolas

(IlMinuto) – Casteddu, 20 de su mes”e argiolas -

Casteddu, segunda diri de s’Audimed Cup de Vela

Osile, sighit finzas a su 7 de su mes”e austu s’Osile Festival

Osile, via Roma, sighit finzas a su 5 de su mes”e austu sa mostra de iscultura, pittura e decorazioni de su birdi

Is Molas, Summer cup 18 buche de Golf

Casteddu, 10.00, Lazzaretto de Sant’Elia, presentazioni de Sonos de Linna

Casteddu, 17.45, Riunioni de su Consillu comunali

Orosèi, 21.00, “Apologo del Giudice bandito” de Sergio Atzeni. Gianluca Medas (voce narranti) e Andrea Congia (chitarra classica)

Tàtari, 21.00, prazza Santa Caterina, sala midievali de sa della Pinacoteca, “Staffetta nazionale contro la violenza sule donne”: proiezioni
de “Ofelie” de Giusy Calia.

Ciclismu: a su messinesu Frontino sa coppa "Città di Capoterra"

(IlMinuto) – Casteddu, 20 de su mes”e argiolas – Est andada a Tonino Frontino sa coppa “Città di Capoterra”, terza tappa de su Giru ciclisticu de sa Provinzia de Casteddu. Su ciclista sicilianu (Team Meca Messina) at battiu in d’unu cumbattiu sprint finali is atletas sadrus Alvise Montisci (Lex Bike Sardegna) e Luca Pau (Skatenati Sarroch). Is favorius de sa vigilia, Matteo Marini e Luca Langiu, funt arrutus a pagus girus de s’arribbu. Ant a circai de si torrai a fai in sa quarta e ultima tappa de su Giru, sa coppa “”Città di Mandas”, chi s’at a tenniri domìnigu chi enit a partiri de is dexi.

Vertenza chímica: Gudici, Tedde e Ganau amelazzant de abbandonai s’incumbénzia

(IlMinuto) – Casteddu, 20 mes”e argiolas. Prontus a abbanonai s’incumbénzia. Chi s’atóbiu de Regioni, Guvernu e Eni po sa chímica sadra previdiu cras in Roma no at a portai a sa certèsa de sighiri s’atividadi de is istabilimentus petrolchímicus de s’Eni in su Nord Sardigna, sa Presidenti de sa Provìnzia de Tàtari, Alessandra Giudici, su Síndigu de Tàtari Pietro Ganau, cussu de S’Alighera, Marco Tedde, e su Primu citadinu de Pòrtu Turre, Luciano Mura, ant a abbandonai s’incumbénzia e ant a pediri a su Presidenti de sa Regioni Ugo Cappellacci e a totus is amministradoris de su territoriu de fai su própriu. Sa decisioni esti stetia annunziada custu mangianu in d’una cuferénzia stampa a sa fin”e sa reunioni de su “Comitato d’area di Crisi industriale”.

Vertenza chímica: Palomba, "dubbitaus chi Cappellacci s’ischierit contra a su Guvernu amigu"

(IlMinuto) – Casteddu, 20 de su mes”e argiolas – S’Idv, po boxi de su Senadori Federico Palomba, ponit in discussioni “s’unidadi” de
bona parti de is forzas politicas de is istituzionis po difèndiri sa chímica sadra. “Si seus unitarius in sa diàgnosi – ispiegat su parlamentari sadru – e in sa circa de is soluzionis, dubbitaus meda chi nosu dd’eus a essi puru in sa decisioni de andai finzas in fundu, est a nai cha dubbitaus cha sa mazòranzia a su Guvernu de sa Regioni sadra andit contra a su Guvernu amigu”. “Abetaus is fatus e eus a valutai is resurtaus, narat Palomba: “Italia dei Valori – concludit s’ex Presidenti de sa Regioni – at a abarrai in s’unidadi scéti si custa at a portai profetus berus po totus is sadrus. Diversamenti s’at a sganciai de totus e at a andai acanta de is traballantis e de is organizzazionis sindacalis in dognia gridulu.

Lingua sadra: cumenzat su terzu cuncursu letterariu de Scalepranu

(IlMinuto) – Casteddu, 20 de su mes”e argiolas – Est arribbau a sa terza edizioni su cuncursu letterariu in lingua sadra “Escalaplano e la poesia. Poetendi e contendi Scalapranu in poesia”. Is partecipantis ant a teniri tempus finzas a su 30 de su mes’e ledaminis (ore 13.00) po mandai is operas insoru – poesias o contus – a is ufficius de su Comunu.
Duas is sezionis: una po totus e no tenit limitis d’edadi, e s’atra riservada a is alunnus de s’iscola primaria e segundaria de primu gradu de Scalapranu. Dognia concurrenti at a podi partecipai scéti in d’una sezioni. Is bincidoris – premiaus in dinai – ant essi proclamaus in su mes’e paschixèdda in sa saba de su Consillu comunali.