> 20 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 20/07/2009

Pàgina 2 de 2

Iscola, Zuncheddu: "Sa riforma colpit chi tenit mancànzia de abbilidadi e is precarius"

(IlMinuto) – Casteddu, 20 de su mes”e argiolas – “Sa proposta de ‘razionalizzai su sistema de s’iscola’ fatta de su Ministru Gelmini est unu diroccamentu de su sacrosantu diritu a s’istudiu”. Aici, in d’una nota difùndia a pustis de su dibbatidu in àula chi s’est tentu in is diris passadas, sa Consillera regionali de is Rossomori, Claudia Zuncheddu, bullat sa riforma de s’iscola de su Guvernu. “Sa riforma Gelmini – ispiegat – colpit s’iscola pubblica e is recaidas in Sardigna funt meda gravis”. S’esponenti sardista de sinistra dinúnziat s’acorpamentu de is institutus de is bidas prus piticas, s’eliminazioni de is precarius de s’iscola e is conseguènzias ca custa riforma podit tenniri po is prus dèbbilis. “Su dinai liau a sa riforma colpit po primus is alunnus chi tenint màncanzia de abbilidadi e totus is personas prus débbilis chi tenint bisóngiu de unu nùmeru de serbízius prus mannu”.

"Letteratura e immàgini": tra fumettu e Rinascimentu torrat s’apuntamentu cun su seminariu

(IlMinuto) – Casteddu, 20 de su mes”e argiolas – De su fumettu a su Rinascimentu ibericu, de “Flatland” de Abbot a su discursu narrativu. Funt medas e meda diversus is temas de s’edizioni 2009 de su seminariu “Letteratura e Immagine”, aprontau in Casteddu de s’associazioni Portales. A pustis de s’atobiu de cida passada, chi at biu is interventus de Valentina Murtas e Ornella Spano, su seminariu at a sighiri su 22 de su mes”e argiolas (15.30, aula 67 de sa Facoltadi de Lettere e de Filosofia). Ant a intervenni Pierpalolo Argiolas, Elisabetta Carta, Gianvito Distefano, Filippo Sechi e Ignazio Siddi.

Ambienti: Utieri donat su via a su Pranu po s’illuminazioni pubblica

(IlMinuto) – Casteddu, 20 de su mes”e argiolas – Utieri comunu “illuminau”. Sa bidda in provìnzia de Tàtari est tra is primas in Sardigna a ai approvau su Pranu de Illuminazioni pubblica segundu is regulas de su risparmiu energeticu, unu Pranu chi arrespetat s’ambienti, unu Pranu chi fait diminuiri s’inquinamentu luminosu. “S’effettuazioni de su Pranu – si podit liggiri in d’una nota de s’amministrazioni – donat medas vantaggius economicus abbascendi su sprecu e pesendi is flussus luminosus”.

Iscola pubblica: bullada sa mozioni anti Gelmini

(IlMinuto) – Casteddu, 20 de su mes”e argiolas – Esti stetia bullada cun 35 votus contràrius, 19 votus a favori e duus astènnius sa mozioni de dinùnzia chi tenit efetus socialis e po su traballu bofía de sa riforma Gelmini in Sardigna presentada de su Pd in Consillu. “Sa diri primu – at ispiegau giòbia in su própriu blog su primu firmatariu de sa mozioni Marco Espa – si pedit s’unidadi a nómini de sa Sardigna lassendi stai is divisionis. Candu ddoi est de difèndiri is próprius traballantis, is maistus, is precarius, is familías e is istudiantis cun ausenzia de abbilidadi, candu ddoi est de nai in Roma ca (…) nos, in is nostras biddas de monti o in is cuartieris prus isolaus de is citadis cun meda abbitantis no podeus uniri is classis – concludit su consilleri de su Pd – partit s’órdini de istadda a votai contra”.

Apuntamentus de oi

(IlMinuto) – Casteddu, 20 de su mes”e argiolas -

Casteddu, 20-25, Audimed Cup di Vela

Osile, 20 de su mes”e argiolas finzas a su 7 de su mes”e austu, Osilo Festival

Osile, 20-25 de su mes”e argiolas, Torneu de Basket a tresi

Cortoghiana, 19.00, prazza Circoscrizione, Torneu de Volley

Casteddu, 21.00, Vetreria de Pirri, concertu de beneficienza de Brent Manson

Casteddu, 21.00, Anfiteatru romano, Franco Battiato in concertu

Santa Maria Navarrese, 21.00, “Le vie della Musica”: esibizionis de is gruppus nous po is vias de sa bidha