> 2009 mes’e argiolas 21 | ilMinuto

Archíviu de sa diri 21/07/2009

Apuntamentus de cras 22 de su mes”e argiolas

(IlMinuto) – Casteddu, 21 de su mes”e argiolas –

 

 

 

 

 

 

Orosèi, Festa de San Giacomo

Casteddu, 9.30, Camera di Commercio, Presentazioni de su liburu: “Le imprese guida in Sardegna. Graduatoria delle imprese 2007″.

Casteddu, 15.30, Facoltà di Lettere e Filosofia, seminariu po chistionai “Letteratura e immagine” organizzau de s’associazioni Portales

Cuartu Sant’Alèni, 18.30, Riunioni de su Consillu comunali

Casteddu, 21.00, Anfiteatru romano, Galà internazionali de Danza

Narcau, Narcau Blues, 21.30, prazza Europa, Sarah Jane Morris in concertu

Ballao, 22.00, prazza pubblica, Festa de Santa Maria Maddalena: concertu cun Maria Luisa Congiu

Santa Maria Navarrese, 22.00, Unplugged Groove: musica fra is ollastrus millenarius

Palau, 22.15, riba Palau béciu, “L’apologo del Giudice bandito”. Reading musicali cun Gianluca Medas e Andrea Congia de romanzu de Sergio Atzeni

Concertus: Sarah Jane Morris oberrit su Narcao Blues 2009

(IlMinuto) – Casteddu, 21 de su mes”e argiolas – At essi sa cantanti e attrici Sarah Jane Morris a obèrriri, cras, su Narcao Blues Festival (22-25 de su mes”e argiolas, prazza Europa). Po s’artista inglesa, chi andat a sustituiri su Taj Mahal trio, S’Italia est una spèzia de sungunda domu: in su 1980 at cumenzau sa propriu carriera a Firenze cun is panamensus Wop Avenue. In custa edizioni ddoi funt is tantu atténdius Watermelon Slim & The workers (23 de su mes”e argiolas) e is Animals de Eric Burdon chi ant a sonai cenàbara a merì.

Massaria: Rossomori, "Sa Regioni e is Comunus ant a depi garantiri su consumu de prodotus sadrus in mensas e ostarias"

(IlMInuto) – Casteddu, 21 de su mes”e argiolas – “Est nezzessariu chi totus is sindigus e is comunus si fazant promotoris de una campagna po fai sì ca is prodotus de su territoriu insoru siant consumaus aintru de is locandas e de is villaggius turisticus”. Ddu narat sa Consillera de is Rossomori, Claudia Zuncheddu, candu comentat sa mobilitazioni de is coltivatoris diretus chi custu mangianu ant bloccau is portus de Terranòa e Pòrtu Turre po difèndiri is produzionis localis. “Ribbateus sa nezzessidadi – narat sa Consillera de is sardistas de sinistra – chi sa Regioni Sardigna e is istituzionis interessadas possant garantiri sa pubblicidadi e su consumu de is prodotus sadrus ‘bonus po natura’ aintru de is mensas de dognia tipu”.

Coldiretti: bloccaus is portus de Terranòa e Pòrtu Turre e s’asse medianu de Casteddu

(IlMinuto) – Casteddu, 21 de su mes”e argiolas – Bloccaus is portus de Terranòa e Pòrtu Turre, unu centinaiu de tratoris in s’asse medianu  funt andendi in direzioni de su portu de Casteddu. Funt custus is conseguènzias de sa manifestazioni boffia de sa Coldiretti Sardigna po difèndiri is produzionis de sa massaria e is alimentus sadrus. Po is coltivatoris direttus, in s’Isola su cumpartu agrualimentari est postu mali. Medas de is produzionis “Made in Sardinia”, spiegant, arribbant de foras. “S’agrulimentari de sa Sardigna – si podit liggiri in d’una nota – est provau po mori de una concurrènzia pagu clara e po nudda leali”. Sa mobilitazioni at a sighiri finzas a giòbia, cun manifestazionis de sa distribuzioni prus manna.

Univesidadi: pubblicau su bandu po is istudiantis "Prendiappunti"

(IlMinuto) – Casteddu, 21 de su mes”e argiolas – Pigai appuntus po unu collega chi non tenit abilidadi e assistiri custu collega in is relazionis cun is maistus e cun is aterus istudiantis. Funt custus is trabballus assignaus a s’istudianti-collaboratori “Prendiappunti”. De cinc’annus circa, in s’Universidadi de Casteddu, est attiva custa figura po agiudai is istudiantis chifunt diversamenti abilis.

Custu su bandu:

http://www.unica.it/~disabilita/files/Bando_prediappunti.pdf