> 2009 mes’e argiolas 22 | ilMinuto

Archíviu de sa diri 22/07/2009

Apuntamentus de cras 23 de su mes”e argiolas

(IlMinuto) – Casteddu, 22 de su mes”e argiolas -

Biddanòa, Ceas Monte Minerva, Laboratoriu “Arte in gioco”: tributu a Bruno Munari

Borùta, Festa de sa crocoriga

Pauli, 21.00, cupola Geodetica, proiezioni de “Film Oil”

Casteddu, 21.00, parcu de Monteclaro, rassegna cinematigrafica “Non solo Noir”: proiezioni de “Il promontorio della paura”

Narcau, 21.30, prazza Europa, “Narcao Blues 2009″: Watermelon Slim and the Workersmi in concertu

Ulassa, 22.00, prazza pubblica, Casinò in concertu

Ballao, 22.00, cabaret:ispettaculu cun Nicola Cancedda

Palau, 22.15, prazza Due Palme, folklori cun su maistu Totore Chessa

Carrefour: sindacalista cundennau a pagai 300milla eurus de multa

(IlMinuto) – Casteddu, 22 de su mes”e argiolas – Unu traballanti de sa Flaica Cub, esti stetiu dinunziau e cundennau a su pagamentu de 300milla eurus de multa “po ai proclamau unu isciòpiru” in s’ipermercau Carrefour de Cuartu Sant’Alèni in su 2007. Est cantu sustenit cun d’una nota su sindacau de basi de su commerciu.
“Sa vicenda – si podit liggiri in su testu – est de su 23 de su mes”e marzu de su 2007, in custa data su signori Carlo Serra, rappresentanti de sa Flaica Cub, iat pigau is difesas de una cascera, chi, in periodu de allattamentu, furiat stetia riprendia po s’essiri sezzia asuba de unu sezzidorzu acanta a is cascias  e poita fiat chistionendi cun is clientis. “Po custa situazioni – sighit sa nota – Serra at proclamau unu brevi isciòpiru improvvisau, biu ca in su cummérciu no si applicat sa lei 146/1991″. A sa proclamazioni de s’isciòpiru est sighiu s’interventu de is carabinieris, zerriaus de sa dirigenza de sa multinazionali.
 A pustis de duus annus, su 10 de su mes”e argiolas de su 2009, po Serra funt arribbadas, a s’ improvvisu, sa multa e sa dimanda de cundenna po s’artículu 137 de su Codice Penale “Violenzia e ammalezzu contra a is autoridadis de sa pubblica seguresa”.

Ispettaculus: Casteddu, una serada cun is ammutadoris de Kafka

(IlMinuto) – Casteddu, 22 de su mes”e argiolas – Una serada estiva in is “Giardini pubblici” de Casteddu cun is ammutadoris de Franz Kafka.
Est custu su programma po su primu apuntamentu de sa rassegna “La letteratura incontra il teatro”, curada de s’associazioni Carpe Diem. Custumerì a is 21.30 su regista e attori Alessandro Baldinotti at a acumpangiai su pubblicu in d’unu viàgiu “aíntru is terribilis allegorias de is ammutadoris de Kafka”, pigadas de “Josephine la cantante, ovvero il popolo dei topi (e altri racconti)”. Su prossimu apuntamentu est po mèrcuris 29 cun su “Sedici piscine” de Francesco Bonomo.

Sindacaus: Rdb-Cub, cras in Casteddu s’assembrea po su diritu a sa domu

(IlMinuto) – Casteddu, 22 de su mes”e argiolas – Sa proposta de lei regionali de sa A.s.i.a Rdb Cub po garantiri su diritu a sa domu: at essi custu s’argumentu de s’assembrea popolari convocada de su sindacau de basi po cras in Casteddu (16.30, via Maddalena 20). “A.s.i.a – si podit ligiri in d’una nota – at a sighiri cun sa mobilitazioni po sa difesa de su diritu a sa domu, po su blocu totali de is isfrattus e po s’aprovazioni de una lei chi fazat de “sanatoria” e portit innantis unu modu nou de pensai s’edilizia pubblica”.

Liburus: "Ti rincontrerò", su quartu romanzu de Sandro Mascia

(IlMinuto) – Casteddu, 22 de su mes”e argiolas – Est arribbau de pagus cidas in is librerias “Ti rincontrerò”, su romanzu nou de Sandro Mascia. Is operas de su scrittori e barista sadru, si collocant – in sa scia de Carlotto – in su filoni de su noir mediterraneu. Su quartu romanzu, pubblicau po Avagliano, est, cun is fueddus de s’autori, “unu thriller divertenti e ironicu”. No meda tempus e eus a fai sa recensioni.