> Archive: mes'e argiolas 2009 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 22/07/2009

Apuntamentus de cras 23 de su mes”e argiolas

Pubblicau su 22/07/2009 a is 16:08 in Cultura | 0 cummentus
Argumentus:

(IlMinuto) – Casteddu, 22 de su mes”e argiolas -

Biddanòa, Ceas Monte Minerva, Laboratoriu “Arte in gioco”: tributu a Bruno Munari

Borùta, Festa de sa crocoriga

Pauli, 21.00, cupola Geodetica, proiezioni de “Film Oil”

Casteddu, 21.00, parcu de Monteclaro, rassegna cinematigrafica “Non solo Noir”: proiezioni de “Il promontorio della paura”

Narcau, 21.30, prazza Europa, “Narcao Blues 2009″: Watermelon Slim and the Workersmi in concertu

Ulassa, 22.00, prazza pubblica, Casinò in concertu

Ballao, 22.00, cabaret:ispettaculu cun Nicola Cancedda

Palau, 22.15, prazza Due Palme, folklori cun su maistu Totore Chessa

Carrefour: sindacalista cundennau a pagai 300milla eurus de multa

Pubblicau su 22/07/2009 a is 15:55 in Traballu | 0 cummentus
Argumentus: ,

(IlMinuto) – Casteddu, 22 de su mes”e argiolas – Unu traballanti de sa Flaica Cub, esti stetiu dinunziau e cundennau a su pagamentu de 300milla eurus de multa “po ai proclamau unu isciòpiru” in s’ipermercau Carrefour de Cuartu Sant’Alèni in su 2007. Est cantu sustenit cun d’una nota su sindacau de basi de su commerciu.
“Sa vicenda – si podit liggiri in su testu – est de su 23 de su mes”e marzu de su 2007, in custa data su signori Carlo Serra, rappresentanti de sa Flaica Cub, iat pigau is difesas de una cascera, chi, in periodu de allattamentu, furiat stetia riprendia po s’essiri sezzia asuba de unu sezzidorzu acanta a is cascias  e poita fiat chistionendi cun is clientis. “Po custa situazioni – sighit sa nota – Serra at proclamau unu brevi isciòpiru improvvisau, biu ca in su cummérciu no si applicat sa lei 146/1991″. A sa proclamazioni de s’isciòpiru est sighiu s’interventu de is carabinieris, zerriaus de sa dirigenza de sa multinazionali.
 A pustis de duus annus, su 10 de su mes”e argiolas de su 2009, po Serra funt arribbadas, a s’ improvvisu, sa multa e sa dimanda de cundenna po s’artículu 137 de su Codice Penale “Violenzia e ammalezzu contra a is autoridadis de sa pubblica seguresa”.

Ispettaculus: Casteddu, una serada cun is ammutadoris de Kafka

Pubblicau su 22/07/2009 a is 14:59 in Cultura | 0 cummentus
Argumentus:

(IlMinuto) – Casteddu, 22 de su mes”e argiolas – Una serada estiva in is “Giardini pubblici” de Casteddu cun is ammutadoris de Franz Kafka.
Est custu su programma po su primu apuntamentu de sa rassegna “La letteratura incontra il teatro”, curada de s’associazioni Carpe Diem. Custumerì a is 21.30 su regista e attori Alessandro Baldinotti at a acumpangiai su pubblicu in d’unu viàgiu “aíntru is terribilis allegorias de is ammutadoris de Kafka”, pigadas de “Josephine la cantante, ovvero il popolo dei topi (e altri racconti)”. Su prossimu apuntamentu est po mèrcuris 29 cun su “Sedici piscine” de Francesco Bonomo.

Sindacaus: Rdb-Cub, cras in Casteddu s’assembrea po su diritu a sa domu

Pubblicau su 22/07/2009 a is 14:35 in Sociedadi | 0 cummentus
Argumentus:

(IlMinuto) – Casteddu, 22 de su mes”e argiolas – Sa proposta de lei regionali de sa A.s.i.a Rdb Cub po garantiri su diritu a sa domu: at essi custu s’argumentu de s’assembrea popolari convocada de su sindacau de basi po cras in Casteddu (16.30, via Maddalena 20). “A.s.i.a – si podit ligiri in d’una nota – at a sighiri cun sa mobilitazioni po sa difesa de su diritu a sa domu, po su blocu totali de is isfrattus e po s’aprovazioni de una lei chi fazat de “sanatoria” e portit innantis unu modu nou de pensai s’edilizia pubblica”.

Liburus: "Ti rincontrerò", su quartu romanzu de Sandro Mascia

Pubblicau su 22/07/2009 a is 13:16 in Cultura | 0 cummentus
Argumentus:

(IlMinuto) – Casteddu, 22 de su mes”e argiolas – Est arribbau de pagus cidas in is librerias “Ti rincontrerò”, su romanzu nou de Sandro Mascia. Is operas de su scrittori e barista sadru, si collocant – in sa scia de Carlotto – in su filoni de su noir mediterraneu. Su quartu romanzu, pubblicau po Avagliano, est, cun is fueddus de s’autori, “unu thriller divertenti e ironicu”. No meda tempus e eus a fai sa recensioni.

Sanidadi: ispidali Businco, in Casteddu localis nous po Oncologia

Pubblicau su 22/07/2009 a is 12:43 in Sociedadi | 0 cummentus
Argumentus:

(IlMinuto) – Casteddu, 22 de su mes”e argiolas – Funt bastaus tres mesis e 900milla eurus po donai a s’ispidali Businco de Casteddu is localis nous po s’unidadi operativa de Ocncologia. 16 aposentus po fai sa chemioterapia in day hospital, 14 ambulatorius medicus e duus aposentus mannus de attesa cun sa televisioni a su plasma. Is risultaus de is traballus funti stetius ispiegaus custu mangianu in d’una conferènzia stampa cun sa partecipazioni de su Direttori sanitariu de sa Asl de Casteddu Giuseppe Sechi. Is aposentus nous ofrint, si podit ligiri in d’una nota, “un’assistenzia prus confortevoli e idònea po is malàdius oncologicus”. Is traballus ant fattu sì ca si siat pozia aprontai in modu prus razionali s’accoglienzia de is malàdius: finalmenti funti stetius introdùsius iter e tempus de aspetu diferenziaus a segunda de sa gravidadi de sa maladia.

Precariau: disignu de lei a s’azàminu de su Consillu

Pubblicau su 22/07/2009 a is 09:30 in Traballu | 0 cummentus
Argumentus:

(IlMinuto) – Casteddu, 22 de su mes”e argiolas – Su “disignu de lei po su precariau e ateras disposizionis prezisas in is settoris economicus”: at essi custu su tema de s’atóbiu de su Consillu regionali convocau po custumerì a is 16.00. In is cidas passadas centinaia de precarius de s’amministrazioni regionali iant manifestau contra a sa totali ausenzia de provedimentus po sa stabilizzazioni in su”collegato” a sa finanziaria.

Vertenza chímica: no si firmant is impiantus de s’Eni in Pòrtu Turre

Pubblicau su 22/07/2009 a is 09:04 in Traballu | 0 cummentus
Argumentus: , ,

(IlMinuto) – Casteddu, 22 de su mes”e argiolas – In is sbabilimentus de s’Eni de Pòrtu Turre no ddoi at essi nesciunu bloccu de su “cracking” e tra is traballantis nesciunu at essi postu in cassa integrazioni. Est cantu at stabiliu un’accordu firmau ariseru in Roma de su Guvernu, de sa multinazionali, de sa Regioni e de is sindacaus. Est unu primu risurtau ottenniu de is mobilitazionis po difèndiri su traballu chi in is cidas passadas at biu coinvolta totu s’isola. “S’impiantu abbarrat in funzioni cun d’unu ciclu de manutenzioni – spiegat una nota de sa Cgil – e s’at a tenniri un’ateru atóbiu cun s’Eni po istabiliri unu pianu de investimentus chi donit garanzia a su futuru de sa chímica in Sardigna”.

Dromos 2009: finzas a su 16 de su mes”e austu unu festival "clandestinu"

Pubblicau su 22/07/2009 a is 08:41 in Cultura | 0 cummentus
Argumentus: ,

(IlMinuto) – Casteddu, 22 de su mes”e argiolas – At essi su tema de sa clandestinidadi, cussu de s’emigrau e cussu de s’artista. Custu est s’argomentu de s’undixesima edizioni de su Dromos Festival, ocannu, “Clandestino”. Su festival s’at a tenniri tra su 24 de su mes”e argiolas e su 16 de su mes”austu in Aristanis, Sant’Eru, Boàtiri e Nureci. Unu calendariu, custu, densu de cortometraggius, mostras, cuncertus e ispettaculus. Dd’at essi puru ispaziu po sa satira “clandestina” de Sabina Guzzanti (su 3 de su mes”e austu in Aristanis cun “Vilipendio”) e po is dibattidus cun sa partecipazioni de Gianni Minà e de Pierluigi Sullo de “Carta”. Po is concertus de segnalai ddoi funt is apuntamentus aristanesus cun Roberto Fonseca (26 de su mes”e argiolas) e su 27 cun s’”Abdullah Ibrahim trio”. S’inaugurazioni de Dromos est fissada po cenàbara in Sant’Eru cun s’inaugurazioni de sa mostra “Gazela” de Udo Rein e su concertu de Elena Ledda “Cantendi a Deus”.

Po ndi sciri de prus:

www.dromosfestival.it

Apuntamentus de oi

Pubblicau su 22/07/2009 a is 07:25 in Cultura | 0 cummentus
Argumentus:

(IlMinuto) – Casteddu, 22 de su mes”e argiolas –

Orosèi, Festa de San Giacomo

Casteddu, 9.30, Camera di Commercio, Presentazioni de su liburu: “Le imprese guida in Sardegna. Graduatoria delle imprese 2007″.

Casteddu, 15.30, Facoltà di Lettere e Filosofia, seminariu po chistionai “Letteratura e immagine” organizzau de s’associazioni Portales

Cuartu Sant’Alèni, 18.30, Riunioni de su Consillu comunali

Casteddu, 21.00, Anfiteatru romano, Galà internazionali de Danza

Narcau, Narcau Blues, 21.30, prazza Europa, Sarah Jane Morris in concertu

Ballao, 22.00, prazza pubblica, Festa de Santa Maria Maddalena: concertu cun Maria Luisa Congiu

Santa Maria Navarrese, 22.00, Unplugged Groove: musica fra is ollastrus millenarius

Palau, 22.15, riba Palau béciu, “L’apologo del Giudice bandito”. Reading musicali cun Gianluca Medas e Andrea Congia de romanzu de Sergio Atzeni