> 2009 mes’e argiolas 23 | ilMinuto

Archíviu de sa diri 23/07/2009

Apuntamentus de cras 24 de su mes”e argiolas

(IlMinuto) – Casteddu, 23 de su mes”e argiolas –

Milis, 24-26 de su mes”e argiolas, Festa manna de s’Irs
 
Villasimius, 24-30 de su mes”e argiolas, Universidadi de Danzaterapia

Biddanòa, “Libri in collina”: presentazioni de liburu “Racconti e novelle” de Filomena Cherchi

Tièsi, 18.00, localidadi su Padru, motoradunu e concertu

Milis, 18.30, Palazzo Boyl, Festa Manna de s’Irs, convegnu po chistionai de “Su sardu modernu: bia a una limba funzionale”

Igrèsias, 20.00, Chiostru de San Francesco: dibattidu,  “C’era una volta il Medioevo”: cuxina, moda, sociedadi

Bosa, 21.00, cursu Vittorio Emanuele, “Notte di Bosa” cun sa partecipazioni de Soleandro

Tortuelie, 21.00, ex Mercau civicu, finzas a su 9 de su mes”e argiolas mostra fotografica: “Ogliastra, acqua pietra cuore”.

Ulassa, 21.00, concertu de Simonetta Spiri e Eleonora Crupi

Bunnànnaru, 21.30, prazza pubblica, Tamurita in concertu

Narcau
, 21.30, “Narcao Blues”: Eric Burdon & The Animals

Orosèi
, 21.30, prazza Sant’Antonio, concertu de is Tazenda

Villasimius
, 21.30, NeroKafè, Rubens Power Trio

Luamadrò, 22.30, chioscu de su parcu, Randagiu sardu live

Ballao, 22.00, prazza pubblica, seratda cun “Luna Bonita”

Serdiana, 22.00, is Paulis, “Passaggi per il bosco”: Atobiu cun Pino Cabras po chistionai “Strategie per una guerra mondiale: dall’11 settembre al delitto Bhutto”.

Igrèsias, 22.00, Chiostru de San Francesco, “L’ultimo giorno di Ugone III” cun Gianluca Medas

Palau, 22.15, prazza Fresi, direttamenti de Zelig sa comicidadi de Renato Trinca

Serrenti, 19.00, Teatru, “Il mondo da quassù”: ispettaculu de is pipius de Serrenti

Rettifica de sa notizia "Carrefour: sindacalista cundennau a pagai (…)"

(IlMinuto) – Casteddu, 23 de su mes”e argiolas – In relazioni a sa notizia pubblicada ariseru si precisat ca su sindacalista de sa Flaica Cub, Carlo Serra, esti stetiu cundennau a pagai una multa de 2.280 eurus e no de 300milla eurus comenti nau in sa nota fatta connosci de sa Flaica-Cub nazionali.

Massaria: is tratoris de sa Coldiretti a facc”e Carrefour

(IlMinuto) – Casteddu, 23 de du mes”e argiolas – “Via dagli scaffali il falso made in Italy”: custu su slogan iscrittu asuba de is magliettas grogas de is aderentis a sa Coldiretti chi custu mangianu ant portau is tratoris insoru aintru de is parcheggius de s’ipermercau Carrefour a Cuartu Sant’Alèni. Centinaia de volantinus funti stetius donaus a is clientis de sa multinazionali francesa. “Sa grandu distribuzioni organizzada – si podit liggiri in d’una nota – depit ispiegai calicosa de prus de is prodottus chi bendit e contribuiri a sa valorizzazioni de is produzionis localis”. Cun meda frecuénzia, dinunziat sa Coldiretti, a palas de sa scrittura “Made in Sardinia” si cuat unu prodottu de nàscida no verificada.

Ispettaculus: Mr. Forest in Badèsi e Crabònia

(IlMinuto) – Casteddu, 23 de su mes”e argiolas – Badèsi e Crabònia: funt custas is tappas de su minitour sadru de Mr. Forest. Custumerì su comicu e conduttori de is diversus “Mai dire…” at a presentai su propriu ispettaculu in sa bidda de sa provìnzia de Terranòa-Tèmpiu, sàbudu at essi in veci in su Surcis. “In cust’ispettaculu – si podit liggiri in d’una nota – Mr. Forest interpretat unu brùsciu pagu praticu chi, unendi una vena cabarettistica cun s’abilidadi de prestigiadori, circat de donai unu sensu misteriosu a is mediocridadis de sa quotidianidadi”.

Calciu: Tortuelie, segunda edizioni de su Football Summer

(IlMinuto) – Casteddu, 23 de su mes”e argiolas – Ddoi est tempus finzas a su 27 de su mes”e argiolas po iscriri is squadras a sa segunda edizioni de su del Football Summer de Tortuelie, su torneu de calciu a cincu po is piciocus tra is 14 e is 23 annus organizzau de s’amministrazioni de su comunu ogiastrinu. Sa manifestazioni at a cumenzai su 30 de su mes”e argiolas, in is impiantus sportivus Green Village de is Cogottis. Po partecipai est nezzessariu fai unu team de a su mancu sesi giogadoris (no prus de tres depint essi iscrittus a sa Figc) e presentai dimanda in sa sedi de su Comunu de Tortuelie, in via Garibaldi 1.