> 24 « mes’e argiolas « 2009 « ilMinuto – notizie Mediterranee – edizione Sardegna

Archíviu de sa diri 24/07/2009

Pàgina 2 de 3

Sindacaus: 29 de su mes”e argiolas assembrea cun sa Regioni, sa Crésia e is parlamentaris po sghiri sa mobilitazioni

(IlMinuto) – Casteddu, 24 de su mes”e argiolas – Sa mobilitazioni de Cgil, Cisl e Uil sighit a pustis de sa conchista parziali de s’atóbiu de su 21 in Roma. Is tres sindacaus ant convocau po is 9.30 de su 29 de su mes”e argiolas in Casteddu (Lazzaretto Sant’Elia) un’assembrea meda manna chi previdit sa participazioni de sa Regioni, is Entis localis, sa Crésia e is parlamentaris sadrus. “S’atóbiu – si podit liggiri in d’una nota – esti stetiu aprontau po sighiri sa mobilitazioni nezzessaria po s’isvilupu e su traballu in is territtorius de s’isola.

Cinema: Casteddu, in s’Exmà sa nobili arti de sa boxe

(IlMinuto) – Casteddu, 24 de su mes”e argiolas – S’at a concluiri cras cun d’unu incontru tra professionistas sa rassegna de cinema “Noble art, la boxe fra mito e realtà” in programma in s’Exmà de Casteddu. De su 21 de su mes”e argiolas funti stetius proiettaus film comenti “Toro scatenato” de Martin Scorsese – su tema trattau riguardat su campioni italo-americano Jake La Motta – e “Quando eravamo re”, documentariu po Muhammed Alì. Custumerì a is 21 s’attenzioni at essi in veci totu po sa boxe sadra: at essi infatti proiettau “Storie di pugili” de Enrico Pau. S’intrada est libera. S’organizzazioni est curada de s’Associazione pugilistica Sardegna.

Sardegna ricerche: unu bandu po sa lissenzia de su brevettu po estràiri s’oru de is refudus elettronicus

(IlMinuto) – Casteddu, 24 de su mes”e argiolas – Sardegna ricerche circat impresas interessadas a su “Recupero dell’oro da rifiuti elettrici ed elettronici”. S’Enti at pubblicau unu bandu po aziendas no mannas e associazionis temporaneas de impresa, po s’usu in lissenzia de su brevettu “Procedimento per il recupero dei metalli nobili dai rifiuti elettrici ed elettronici”. Su 30 de cabudanni est sa data de iscadènzia fissada po podi presentai is domandas a Sardegna ricerche.

Alice: su coraggiu de non s’arrendiri a s’ictus

(IlMinuto) – Casteddu, 24 de su mes”e argiolas – De prus de un’annu “Alice” est attiva puru in Tàtari. “Alice” bollit nai “Associazione per la lotta all’ictus cerebrale”, de su 1997 s’onlus s’impignat po spràxiri is regulas de prevenzioni de sa maladia e po donai agiudu a is pazientis e a is famigliaris de is vittimas de custu mali. Famigliaris chi funt tra is fundatoris de is “sezionis” localis de s’associazioni. “Alice Sardegna Onlus – si podit ligiri in d’una nota – nascit in Su Masu in su 2000 de s’esperiènzia de unu neurolugu meda impignau in sa cura de una forma de ictus meda gravi e de s’impignu de sa mulleri de unu pazienti chi refudat sa rassegnazioni passiva a sa maladia”. Su coraggiu de non s’arrendiri a s’ictus est puru sa basi de sa presènzia de Alice in Tàtari, aundi esti stetia fundada de sa mulleri de un’omini corpiu in modu meda gravi de s’ictus a s’edadi de 50 annus.

Po informazionis castia:

www.alicesardegna.it

Ineos Macchiareddu: sighit s’ocupazioni de sa fàbbrica

(IlMinuto) – Casteddu, 24 de su mes”e argiolas – Sighit s’ocupazioni de is traballantis de sa Ineos de Macchiareddu. Is traballantis, chi mèrcuris furiant stetius fattus sgomberai, ant torrau a pigai in is próprias manus s’istabilimentu. De custu casu s’at a chistionai custu mangianu in d’una
assembrea convocada de su Presidenti de sa Provìnzia de Casteddu, Graziano Milia. A cust’assembrea funti stetius invitaus totus is sindigus de su territoriu. De sesi mesis circa 100 dipendentis sadrus de s’Ineos funt in casssa integrazioni.